Імтні љирєлд туслх мґргўлмўд

Шаљна халхар ик керг-ўўлдврмўд шидр Бурхн Багшин Алтн сўмд болв. Хальмгин шаљн лам Тэло Тулку ринпоче тер тантрическ ик мґргўлмўдиг залљ єардв. Ик чинрті шаљна эн йосрхл оньдин імтні оньг тусхана. Імтн оларн ирљ терўнд орлцна.

Кезіні цагт шаљна иим керг-ўўлдвр љил болєн хурлмудар кегдљ йовсмн. Тууљин йовудт цаг сольгдад, 70 љилин туршарт эн щаљна ўўлдвр кўцігдгін уурсмн. Болв љирєл уралан йовад, шин кемд шагшавдын хіліц делгрлт авад, шаљн бає бичкнір сергігдід, делгрлтин хаалєд орљах цагла мартгдсн кесг тоотыг біідл-љирєлд оруллєна кґдлмш кегдв. Хальмгин шаљн лам Тэло Тулку ринпоче шаљна мартгдад біісн кесг авъясмудыг хурлын ўўлдврт орулљ, імтн дунд гегірлтин кґдлмш келєнд чидлін болн цаган нґґлго кўціљ йовна.

Шаљна тантрическ керг-ўўлдврмўд Хальмгт тўрўн болљ 2004 љилд кегдв. Тиигхд шаљн ламин ўрврір тањєчд Гьюдмед тантрическ хурлын гелњгўд ирсн билі. Тедні орлцлєтаєар кўцігдсн керг-ўўлдврмўдт імтн оларн орлцљ, тањєчин, ґрк-бўлин амулњ љирєлин тґлі болсн мґргўлд цугтан хамдан зальврсмн.

Тер цагас нааран арвн љилин туршарт шаљна иим керг-ўўлдврмўд кўцігдљ йовна. Сін авъяс болљ тохрсн ик ўўлдвр эн љил чигн седклин сін таалд давв. Тањєчин район болєнас, кесг селідіс імтн ирљ, эн ик мґргўлмўдт орлцв. Кесгнь эн ўўлдврин ґмн бііхті љирєлиг теткх тоотыг авч ирљ, хурлд хонулв. Імтн цугтан імд-менд бііхір, ўрдўдтін чик сурємљ ґгхір, хґвті љирєлір бііхір зўткні. Цуг тер санаєан кўціхір эдн ик мґргўлмўдт орлцв.

Цуглрсн улсин Хальмгин шаљн лам йґрілин ўг келљ тосв. Мґргўл болх єурвн ґдриг чик цаєан седклтієір ном умшљ, цуг імті тоотд амулњ-менд біідл дурдљ давулхмн гиљ шаљн лам ирсн улст келв. Эврі элгн-садна болн ґґрхн улсин эрўл-мендин тґлі мґргсн деерін моєлцг єазр деер бііх цуг улсин амулњ-мендин тґлі хамдан мґргхмн гиљ Тэло Тулку ринпоче дуудвр кев.

Мґргўлд ирсн улс иргч біідл-љирєл дуту уга дўўрњ болтха, гем-шалтг бає болтха, керг уралан йовтха, кўўкд-кґвўд сурєулян сіінір суртха, гиљ зальврљ мґргв. Хальмг Тањєчнь делгрлтин хаалєд орљ, кўн болєна сін біідлин тґлі ўўлдврін кўціљ йовхла імтн амулњ-менд бііхиг медљ мґргўлд орлцв. «Ом Гуру Махакала Хариниса Сиддхи Дза» гисн номин ўгмўдиг цуг улст, элгн-саднд, ўўрмўдтін, таньлмудтан кўргљ медўлтн гиљ шаљн лам цуглрсн улст келв. Цуг імті тоотын зовлњгинь баєрулх кўслтієір, ґр-ґвч седклтієір тер номин ўгмўдиг давтљ, љирєлдін олзлхла, ном умшљах улст чигн, энўні ґґр бііх улст чигн туста болдгинь ламнр темдглні. Эн љирєлдін хґв-кишгін олљ бііхд, кергін сіінір кўціхд, ўрдін чик кевір ґскхд иим ўўлдвр йир икір туслна.

Ґрк-бўл болєна хґв-кишгнь ґсљ, бііхті љирєлір імтн бііхд эн мґргўлмўд туслх гиљ Тэло Тулку ринпоче иткўлв. Кергін уралан йовулхд, медрлин хаалєд торвр бичі єартха гиљ, імтн мґргўлд орлцв. Мґргўлин йовудт хурлын гелњгўд цуг імті тоотд бурхд амулњ-менд љирєл заятха, эрўл-мендін батллєнд туслтха, бііхті љирєл дурдтха, гиљ номдан орулљ зальврв.
Хальмг келн улсин хувц ґмссн кесг улс хурлын гелњгўдлі хамдан хурлыг эргљ йовад, бас ном умшад, цуг імті тоотын амулњ-мендин тґлі зальврв. Љил болєн кегддг шаљна тантрическ ик мґргўлмўд иигід улсин љирєлд бат орман эзлљіні.