Хальмг Таңһчин Толһач Хаска Бату Хальмгин спортсменмүд Әрәсән болн нарт-делкән марһаст диилвр бәрәд, бахмҗ үүдәв гиҗ темдглв.

Хальмг Таңһчин Басңга Баатрин нертә Келн-улсин драмин театр 90 җилин өөнән темдглв. Таңһчин сойлын җирһлд һол орман эзлҗәдг театрт «академическ» гидг күндтә цол зүүлһгдв. Хальмгин театриг йөрәхәр Әрәсән кесг регионас болн һазадын ордудас театрин үүлдәчнр ирв.

Шидр Хальмг Таңһчин Улсин Хуралын (Парламентин) промышленностин, тосхлтын, жилищн-коммунальн эдл-ахун, энергетикин, көлгнә болн залһлдана комитетин өргн сүүр болв. Хог-бог зөөлһнә болн терүг эд-бод келһнә төр терүнд хәләгдв. Таңһчин Улсин Хуралын Ахлач Артем Михайлов, депутатнр, таңһчин күцәгч йосна бүрдәцсин, прокуратурин, Элст балһсна һардврин элчнр, райодын муниципальн бүрдәцсин толһачнр чинртә төрәр болсн өргн күүндврт орлцад, ухан-тоолврарн хувалцв. Сүүриг комитетин ахлач депутат Пүрбән Олег һардҗ давулв.

С начала года 8 организаций региона оформили государственную поддержку за трудоустройство граждан отдельных категорий.
Субсидия предоставляется работодателям за наем ветеранов специальной военной операции, граждан с инвалидностью, многодетных родителей и других категорий граждан, испытывающих трудности при трудоустройстве. Мера поддержки реализуется в рамках государственной программы содействия занятости населения.
Размер субсидии зависит от категории работника: 6 МРОТ — за трудоустройство граждан с инвалидностью (трудоустроенных не ранее 1 декабря 2025 года) и 3 МРОТ — за трудоустройство других категорий. В сумму включаются страховые взносы и районный коэффициент. Выплата производится тремя траншами — по истечении первого, третьего и шестого месяца после трудоустройства.

Давсн амрлһна өдрмүдт Элст балһсна 10-ч микрорайонд Авалокитешвара бурхна «Мани сүм» хурл секгдв. Һурвн җил хооран эклсн тосхлтд мана таңһчин бәәтхә, талдан балһсдын әмтн демән күргҗ, буйнта кергт шунмһаһар орлцснь темдгтә. Хурлын өөр шидр Гуру Ринпочен көшә болн Дорҗ Дролло нертә Бодь Суврһн босхгдсн бәәнә. Хурл босхх ормиг Юдра Ринпоче лам 2010 җилд әрүслсн билә, терүнә тосхлтын йовудт сүв-селвгән өгәд, әрүн чинртә көшәг болн Бодь Сурвһиг номар дүүргҗ белдв, тегәд Ик Багш хурл секлһнә байрт орлцхар ирснь ончта йовдл болв.

Әмтнә олз-ору икдүллһнә, эврә керг бүрдәлһнд, көдлмш олҗ авхд эс гиҗ мергҗлтән өөдлүллһнд дөң күрглһнә төрмүдт орн-нутгин һардвр онц оньг тусхаҗ, шаңһа көтлврмүд батлна. Тиим көтлврмүдин негнь социальн бооцан болна.

Үкр сарин 10-д мана орн-нутгт дотр-дундын кергүдин халхар көдлдг улс сән өдрән темдглнә.
Полицин бүрдәцст нурһлҗдан залу улс көдлнә гиҗ тоолгддг. Зуг эднлә хамдан күүкд улс чигн үнн-чик седклтәһәр көдлдгинь бас темдглх кергтә. Хөрн шаху җилдән Хальмг Таңһчин дотр-дундын министерствин миграцин төрмүдин заллтын әңгин һардач, подполковник Бальҗәнә Наталья көдлҗәнә. Наталья Владимировна Хар Һазра района Комсомольский селәнд өсч-босад, тенд Басңга Баатрин нертә гимназь төгсәв. Дарунь Хальмг финансин-экономикин колледжд сурад, 2004 җилд хату цаасан авсн болдг. Колледжд сурч йовсн цагтан таңһчин МВД-н бүрдәцст дамшлт хоршасн билә. Мел тиигхд күүкн полицд көдлхәр шиидәд, дарунь күч-көлснә хаалһан энд эклв.

Әрәсә Африкин орн-нутгудла нөкцлтән өргҗүлҗ цуг халхар делгрүлхәр седҗәнә. Терүнә тускар Москвад болсн ик хургт Әрәсән Президент Владимир Путин келсн үгдән онц темдглв. Хургт Африкин тивин 48 орн-нутг орлцв. Әрәсә Африкин орн-нутгудын әмтнә җирһлин таал ясрулх саната бәәхән бас медүлв.

Ода мана орн-нутгт тосхлтын халхин делгрлтд һол оньг өггдҗәнә. Эрдмин бат медрл авсн, кергән сән чинртәһәр күцәдг инженермүд, тосхачнр, ширдәчнр-шалдачнр кергтә болҗана. Нег үлү мана таңһчд тосхлтын йовуд җил ирвәс өргҗәд йовна, эдлврт орулгдсн гермүдин то җил болһн өсәд йовна. Тегәд чигн Элстин политехникин колледжд тосхтын халхд кергтә мергҗлтнриг белдлһнд һол оньган тусхана.
Энд тосхачнриг, шалдачнр-ширдәчнриг болн тосхлтын нань чигн эрдмтә мергҗлтнриг белднә. Болв ода эн халхд шин кергсл болн эв-арһс өргнәр олзлгдна, тегәд терүг сәәнәр медҗ авч олзлх кергтә. Одахн колледжд Киров балһснас «СМиТ» бүрдәцин мергҗлтнр ирҗ, тосхлтд хамгин шин эв-арһс олзллһна туст дамшлтарн хувалцв.

Шидр Троицкое селәнә хальмг улсин шүлгч Саңһҗин Босян нертә дунд сурһульд санлын керг-үүлдвр болв.