Хальмг Таңһчин Толһач Хаска Бату Әрәсәд үүлддг Иран орн-нутгин күцц зөвтә элч Казем Джалалила харһв.

Удл уга малчнрин төлә үвлзлһнә дааврта кем эклхмн. Малан бүрн-бүтәр хадһлхин төлә таңһчин фермермүд малын теҗәлән эртәснь белднә. Эдн малын хаша-хаацан ясад, хоштан шимтә өвс зөөҗ орулад белдврин көдлмшән эклсн бәәнә. Өдгә цагт тосн-түләнә кемҗән баһрад, дааврта кемд белдлһнд бас харшлтан күргҗәнә.

Һаха сарин 21-д Хальмг Таңһчин Олна палатын һардвр болн шинҗләчнр 2026 җилин суңһврин ашин тускар седкүлчнрт келҗ өгв. Сүүриг таңһчин Олна палатын ахлач Мучан Батыр нүр үгәр эклҗ, таңһчин олнд зәңгллһнә эв-арһсин көдләчнрт ханлтан өргв. «Эдн суңһврин йовудт мана үүлдврин тускар өргнәр зәңглҗәлә. Тер мет «Ростелеком» компаня көдләчнр маднд кергтә кергсл һарһҗ өгәд, Элстин болн райодын суңһврин әңгүдт тасрхан уга бүртклһ келһнә төлә сән таал бүрдәв, эн нөкцлт маднд туста болв», - гиҗ эн темдглв.

Орн-нутгин Хүүвин депутатнрин суңһвр 2026 җилин һоллгч йовдл болв. Хальмг Таңһчин Улсин Хуралын (Парламентин) сурһуль-эрдмин, эрүл-менд харлһна, сойлын, баһчудын политикин болн социальн харслтын төрәр үүлддг комиссин ахлач, Хальмг ик сурһулин һардач Салан Бадм суңһврин йовудын, терүнә ашин туск тоолврарн хувалцв:

Эн халун зуни цаг «Өөрднр» бииһин театрт мартгдшго олн харһлтсарн тодлгдв. Тывад болсн шаҗна үүлдәчнрин IV нарт-делкән хургт нер туурсн мана коллектив орлцв. Делкәд нер һарсн шаҗна үүлдәчнр, номтнр, олна болн сойлын үүлдәчнр цуглрҗ ирсн ик хургиг сексн өргмҗтә сәәхн нәәриг белдлһнд Тыван нертә үүлдәчнрлә хамдан Хальмгин бииһин театрин балетмейстер Нәдвдә Владимир шунмһа кевәр орлцсмн.

Лаганя әмтнд амрлһна өдр ончта үүлдвр болсарн тодлгдв. Таңһчин әмтн чигн эн йовдлыг байрин седклтәһәр тосв. Иргчин Бурхна - Мәәдр Гегәнә бумбин өөр олн улс цуглрҗ зальврв. Әрүн чинртә эн бумбиг ясч шинрүлснә хөөн әрвслҗ, үүлдврт оруллһна шаҗна йосрхл энд күцәгдв.

«Бамб цецг» дууна болн бииһин ансамбль Әрәсән балһсдар гастрольд йовҗана. Хальмгин ансамбль 11 балһснд билг-эрдмән үзүлхмн. Һаха сарин 16-ас авн 28 күртл коллектив үүдәгч хаалһд йовхмн. Эн олн балһсдын хәләһәчнр хальмг ду-биилә таньлдҗ, ансамблин белдсн шин үүдәврмүдиг чигн үзхмн.
Ансамблин һардач, Хальмг Таңһчин билг-эрдмин ачта үүлдәч Катан Саврин келсәр, эднә коллектив «Бидн – Әрәсә» гидг шаңһа ик төсвин йовудт зуульчллһан эклв. Тавн җилин туршарт келн-улсин үүдәгч коллективс Әрәсән регионмудын әмтиг келн-улсин сойлла таньлдулҗана. «Бамб цецг» урдк җилмүдт чигн эн төсвин йовудт Кавказин, Төв Әрәсән, Иҗлин көвән һазрар йовҗ концертсән үзүлсн билә.

Һаха сарин 18-әс авн 20 күртл Әрәсәд Орн-нутгин Хүүвин депутатнрин суңһвр болв. Һурвн өдрин туршарт мана таңһчд ут тоодан 224 суңһврин әңг көдлв. Басң өдрәс авн Хальмгин иргнмүд суңһврт шунмһаһар орлцсинь темдглх кергтә.

Хальмг Таңһчин Улсин Хуралын (Парламентин) Ахлач Артем Михайлов, һаха сарин 18-д Әрәсән Орн-нутгин Хүүвин депутатнрин суңһврт орлцв. Приютна района Первомайский селәнә сойлын Герт бәәршлсн 137-ч тойгта әңгд эн дууһан өгв.

Тер мет һаха сарин 18-д Хальмг Таңһчин залврин Ахлач Босхмҗмин Гилән Элстин олн салврта гимназин улд үүлдҗәсн суңһврин 48-ч тойгта әңгд дууһан өгв.
«Мана Төрскнә күчнь өсч, орг-нутг цецгәртхә гиҗ дууһан өгләв. Яһад гихлә суңһвр – энтн мана бәәдл-җирһлин ик чинртә йовдл болҗана. Күн болһн эврәннь ухан-тоолвран медүлҗ, сарул-сәәхн иргчин төлә дууһан өгчәнә, терүнә төлә цуг таал тогтагдсн бәәнә», – гиҗ Гилән Герасимовна тоолвран келв.