Хулһн сарин 30-д мана орн-нутгт политическ цааҗла харһсн улсин санлыг күндллһнә Өдр болна. Хальмг Таңһчин хотл Элстд болсн санлын керг-үүлдвр тер өдрин учр-утхла ирлцв. Балһсна Илишкинә нертә уульнцд бәәдг герин эрст Хальмг АССР-ин йосна болн олна үүлдәч Җимбин Апушин санлын самбр секгдв.
Ончта эн йовдлыг темдгләд, Хальмг Таңһчин Толһач Хаска Бату илгәсн йөрәлин бичгиг таңһчин Толһачин һардврин ахлач Кирилл Попов цуглрсн улст соңсхв. Санлын самбр секлһнд орлцсн улс Җимбин Апуш таңһчин җирһлд шунҗ үүлдсинь тодлҗ келв. Хальмгин автономь шинәс тогталһна седвәрч багин ханьд 1954-1956 җилмүдт Хальмгин партин бүрдәцин бүрдәмҗин бюрон болн Сарпулин крайин ханьд орҗасн Хальмгин автономн мүҗин бүрдәмҗин әңгин гешүн болҗ, 1956 –1957 җилмүдт Апуш Мутлович бүрдәмҗин көдлмш кеҗ йовснь темдгтә.

Давсн долан хонгин чилгчәр Санҗин Николайин нер зүүҗәдг сойлын Төвд сән дурар үүлддг медәтнрин хург болв. Эн хург һурвн җил дарандан бүрдәгдҗ, баһчудт төрскнч сурһмҗ өглһнә, цергә шишлң керг-үүлдврт орлцачнриг дөңнлһнә болн олна бәәдл-җирһлд шунмһаһар орлцдг ах үйин седвәртә,улсиг цуглулна. Таңһчин район болһна элчнр эн хургт орлцад, кеҗ-күцәдг көдлмшиннь тускар келҗ өгәд иргч зураһан батлна.

Хальмг Таңһчин «Билгтә бичкдүдин төв» сурһульчнрин медрлинь гүүдүлхин төлә соньн керг-үүлдвр бүрдәнә. Хулһн сарин 28-д энд регионмудын хоорндк химийин XIII марһан болв. Эн ик кемҗәтә дөрлдән М.В. Ломоносовин нертә Москван ик сурһулин седвәрәр давулгдв.
Таңһчин марһанд Элстин болн райодын сурһульмудас ут турштан 82 арвт орлцв. Эднәс 8 баг бүрдәв. Давсн җилин ашар Элстин лицейин «Новый элемент» гидг нертә баг диилвр бәрҗ цааранднь Москвад болсн ашлгч марһанд орлцҗ, таңһчин нер харсв. Ода һурвн җил дарандан таңһчин девсңгин дөрлдән болҗана.
Бүрдәмҗин комитетин нерн деерәс марһана урдк жюрин гешүн Кирилл Грицко йөрәлин үг келв. Давсн җилд 4800 орлцач медрлән сөрв. Эн марһана йовудт номин халхар хоршасн күцәмҗән энд иткүлҗ болҗана. Тадн ода 9-11-ч классмудт сурнат, таднд өгсн даалһвриг болхла вузин оютнр, нам аспирантнр болн номин кандидатнр күцәҗ үзнә гиҗ күндтә гиич темдгләд таңһчин марһан эклсиг зарлв.

Хальмгин Келн-улсин оркестрин седвәрәр мана таңһчд келн -улсин оркестрмүдин байрин харһлтс болв. Ар Үзгин Осетин – Аланя Келн-улсин оркестр Элстд ирәд, Хальмгин Келн-улсин оркестрлә хамцу үүлдврән эклв. Манҗин Аркадин нертә Хальмг филармоньд хойр коллективин хамцу концерт болв.
Әрәсән сойлын министерствин, «Росконцертин» болн Хальмгин сойлын болн зуульчллһна министерствин дөңгәр көгҗмин иим харһлтс Элстд түрүн болҗ кегдҗәнә, гиҗ Келн-улсин оркестрин һардач Нимгрә Оксана келнә.

Бурхна бәәшңд ирҗ мөргтн, Дрепунг Гоманг хурлас гелңгүд ирҗ, Бурхн Багшин Алтн сүмд мандл босхҗахин тускар урднь зәңглсн биләвидн. Гелңгүдин урн һара өңгтә элснәс кегдсн мандл ода цуг улсин оньгт тусхагдҗана. Цуг тоотнь номин йосар күцәгдҗ Амитаюс бурхна сәәхн бәәшң дүңгәҗ босв. Мандлмудыг талданар келхләрн, бурхдын сәәхн бәәшңгүд гиҗ нерәднә.

В Элисте в пресс-центре РИА «Калмыкия» состоялась пресс-конференция, посвященная предстоящей памятной встрече ветеранов калмыцкого гандбола.
Перед журналистами выступили ветераны калмыцкого гандбола: заслуженный работник физической культуры и спорта республики, вратарь сборной республики в 1978–1981 годах Олег Куберлинов, член сборной команды Калмыкии в 1972–1977 годах, судья республиканской категории по гандболу Павел Симаков и капитан сборной республики в 1978–1981 годах Юрий Пантюхов. Участники обсудили историю становления и развития этого вида спорта в республике, вспомнили тренеров, заложивших его основы, и пригласили всех желающих присоединиться к встрече, которая пройдет 4 ноября.

Хальмг Таңһчин Толһач Хаска Бату «Цергллһн» гидг Цугәрәсән муниципальн мөрән марһан эклснә тускар зәңглв.

Элст балһсна поликлиник әмтнә эрүл-мендин бәәдл шинҗллһнә керг-үүлдврмүдиг цааранднь давулҗана. Хотл балһсна әмтн эмчд бийән дарунь үзүлҗ чадхин төлә эмчнрин багмуд бүрдәгдв. Тегәд иим багмуд балһсна микрорайодт болн уульнцст одад, дор ормднь әмтнә эрүл-мендин бәәдл шинҗлхмн.

Шидр селәнә эдл-ахун делгрлтин халхар төсв белдсн улс дунд зарлгдсн марһана аш диглгдв. Эн җил «Агромотиватор», цергә шишлң керг-үүлдврт орлцачнриг дөңнлһн болн фермерск эдл-ахун делгрлт гидг һурвн зөрүллтәр марһан болв. Таңһчин селәнә эдл-ахун министерствд бүрдәгдсн шишлң комиссь орҗ ирсн эрлһсиг шинҗләд, эврәннь кергән делгрүллһнә туст сән гисн төсв йилһҗ авв. Комиссин гешүд ут тоодан 172 эрлһ хәләв, марһанд орлцачнрин ик зунь эврәннь кергән эклх саната улс, дамшлтта фермермүд бас билә.

Шидр Әрәсән Федерацин сенатор Хачира Борис селәнә эдл-ахун, эдл-уушин политикин болн йиртмҗин көрң олзллһна әңгин ахлачин дарукин үүлд батлгдв. Хальмг Таңһчин күцәгч йосна элч эн үүл ик дааврта болҗахиг темдгләд, селәнә эдл-ахун, йиртмҗ харлһна, эдл-уушин әәмшг уга бәәдл тетклһнә төрмүд хаһллһна халхар улм шунмһаһар көдлхд урмд өгчәнә гив.