Балһснд эмчнрин багмуд бүрдәгдв

Сегодня, 12:15 | Общество, Таңһчин зәңгс, Зіњг, Эрўл-менд харлһн

Элст балһсна поликлиник әмтнә эрүл-мендин бәәдл шинҗллһнә керг-үүлдврмүдиг цааранднь давулҗана. Хотл балһсна әмтн эмчд бийән дарунь үзүлҗ чадхин төлә эмчнрин багмуд бүрдәгдв. Тегәд иим багмуд балһсна микрорайодт болн уульнцст одад, дор ормднь әмтнә эрүл-мендин бәәдл шинҗлхмн.
Эндр эмчнр 19-ч тойгта автобусын зогсалд, үкр сарин 1-д Скрипкинә нертә уульнцин 42 «В»-ч герин хайгар, үкр сарин 7-д «Севиндж» кафед, үкр сарин 14-д Маяковскийин нертә уульнцин 57-ч герин хайгар, үкр сарин 20-д гүртм үнәр эд-тавр хулддг бүрдәцин өөр болн үкр сарин 23-д Диилврин паркд 9 часас авн 13 час күртл көдлхмн. Эн өдрмүдт әмтн эрүл-мендин бәәдлән шинҗләд, гриппәс саглуллһна тәрлһ кеҗ чадхмн. Гериннь өөр дарунь эмчд бийән үзүләд, эмнлһнә туст селвг авхар иртн гиҗ балһсна әмтнд дуудвр кегдҗәнә.
Мана зәңгч

Видео