Алдр Диилврин сән Өдрлә Үстин района Харба селәнә дунд сурһульд «Баатрмудын ширә» секлһнә керг-үүлдвр болв. Хамдан сурһуль сурч йовсн Мөңкән Владимир болн Лиҗин Саңһҗ цергә шишлң керг-үүлдврт орлцад, залу-зөрмгән үзүләд, баһ-дүүвр насндан әмнәсн хаһцв. Эдниг сурһҗ йовсн багшнрин, хамдан сурч йовсн үүрмүдин болн эндрк сурһульчнрин седвәрәр Төрскән харсачнрин санл мөңкрүлхин төлә ирлцңгү керг-үүлдвр бүрдәгдсн мөн.
Харба селәнә дунд сурһулин һардач Шуркчин Марина харһлтыг нүр үгәр секәд, цергә шишлң керг-үүлдврт орлцачнрин санлд нерәдҗ «Баатрмудын ширә» Алдр Диилврин Өдрлә секгдҗәхнь хойр дам ончта болҗахиг темдглв. Эднә нертә ширән ард сурһулян сәәнәр сурдг, олна бәәдл-җирһлд орлцдг сурһульчнр суудг зөвтә болхмн. Бичкн селәнд өсәд-боссн, мана дунд сурһульд сурч йовсн хальмг көвүд зөрмг өвкнриннь үлгүрәр Төрскән харсад, цергә даалһвран үнн-чик кевәр күцәснь маднд ик бахмҗ үүдәнә гиҗ Марина Гавриловна келв.

Баһ Дөрвд селәнә Б.Б.Бадмаевин нертә гимназьд «Баатрла болсн күүндвр» гидг Цугәрәсән төсвин йовудт цергә шишлң керг-үүлдврин ветеран Ханан Дольганла харһлт болв.

2024 җилин ноха сарин эклцәр Курск мүҗиг хортн дәврсн билә. Йисн сардан тенд әәмшгтә дәәлдән болв. Мана орн-нутгин цергчнр өдр-сө уга төрскн һазран зөргтәһәр харсв. Һундл төрхд, кесгнь баатр кевәр әмнәсн хаһцсн болдг.

Хальмг Таңһчин Толһач Хаска Бату Төрскән харсгч Алдр дәәнә ветеран Петр Леонтьевд золһҗ одад, Советин Союзин Баатр Басан Городовиковин орденәр ачлв.

Одахн таңһчин волонтермуд болн СВО-н ветеранмудын таңһчин негдлтин ахлач Чумда Николай Курскин мүҗд күрәд ирв, цергә шишлң керг-үүлдврт орлцҗадг теңгсин йовһн цергин 810-ч тойгта багин дәәчнрт буйнч седклин дөңгән бәрүлҗ өгв. Эн керг-үүлдврин тускар Николай Санджи-Горяевич маднд келҗ өгв.

Үстин района Харба селәнд өсәд-боссн Аңһра Нарн (зургт) бичкнәсн авн цогц-махмудан батрулҗ, спортар соньмсч кесг марһанд орлцдг билә. Эн селәнд хөрн һар җилин туршарт эн һазра көвүн Четра Окан санлд нерәдгдсн марһан болна. Эн 1996 җилд Чечняд болсн дәәнд зөрмгән үзүләд, баһ настадан әмнәсн хаһцв. Бәәрн көвүд-күүкд цуһар гилтә нег һазра баатрин санлд нерәдгдсн марһанд орлцна, тедн дунд Нарн сән белдврән иткүлҗ кесг дәкҗ дииләчнрин тоод орсмн.

А. Амр-Санана нертә Келн-улсин дегтрин саңд Элстин хулд-гүүлгәнә-экономическ колледжин оютнр СВО-д орлцач Манҗин Пүрвәлә (зургт) харһв.

1941 җилин мөчн сарин сәәхн уняртсн өрүн билә. Генткн!.. Чилгр теңгрт оһтрһу күрҗңнәд, һал цәклсн мет дән эклснь соңсгдв.
Төрскн һазр-усан аврлт уга хортнас харссн олн келн-әмтнә дунд Хальмгин хәәртә үрд, тедн дунд багшнр бас ик тәвцән орулсн болдг.

[b]Цөн өдр болад, мана орн-нутг Төрскән харсгч Алдр дәәнд Диилвр бәрснә 80 җилин ончта өөнән өргмҗтә кевәр темдглхмн. Мана аавнр, эцкнр, ахнр-дүүнр догшн эн дәәнд ааһ-цусан асхад, әмән әрвллго эврә Төрскән харсад, йоста баатрмуд болҗ, хальмг улсин нер туурулсн болдг. Эвин бәәдл делдсн дәәнә ветеранмудыг, фронтд дөң-тусан күргҗ, арһ- чидлән нөөлго тылд көдлҗ йовсн улсиг чигн йириндән олн дунд тевчҗ күндлдг йоста. Төрскән харсгч Алдр дәәнә баатрмудын нерд мөңкинд мартгдх зөв уга, эднә санлнь әрүнәр хадһлгдҗ, нег үлү дорас өсч йовдг үйнрин төлә бахмҗ үүдәҗ, үлгүр- үзмҗ болх зөвтә. [/b

Шидр мана орн-нутгт Төрскән харсгч Алдр дәәнд Диилвр бәрснә 80 җилин өөнд нерәдәд, «Диилврин диктант» гидг керг-үүлдвр болв. Терүнд таңһчин күцәгч йосна, олна бүрдәцсин элчнр, оютнр болн сурһульчнр орлцв.