«Этот праздник олицетворяет доброту, милосердие и искреннюю заботу о ближних. Он знаменует завершение паломничества к святым местам и обращает верующих к духовным истокам.

Одахн Әрәсән Президент Владимир Путин Хальмгин хәәртә үрн Илья Емельяновд Әрәсән Баатрин нер зүүлһв.

Одахн Әрәсән Президент Владимир Путин Хальмгин хәәртә үрн Илья Емельяновд Әрәсән Баатрин нер зүүлһв.

Хальмг Таңһчин Толһач Хаска Бату Улсин Хуралын (Парламентин) Ахлач Артем Михайловла харһв. Одахн болсн ЮРПА-н
44-ч хургин тускар эдн күүндв.

Хөн сарин 26-д Элстин 4-ч тойгта сурһульд болсн сүл хоңхин байрт таңһчин Толһач Хаска Бату орлцҗ, сурһульчнриг йөрәв.
Энд сурһульчнр болн теднә эк-эцкнр, элгн-садн, багшнр олар цуглрв. 11-ч болн 9-ч классмудын арвтнрин төлә сүл хоңхин керг-үүлдвр болв. 11 җилдән энд сурад, багшнрас медрл болн сурһмҗ авсн күүкд-көвүд эн өдр зөвәр үүмәтә бәәв.

Өцклдүр Элстд тохма хөөдин болн ямадын Цугәрәсән XXVI һәәхүл байрин бәәдлд секгдв.
Әрәсән селәнә эдл-ахун Министерств, Хальмг Таңһчин залвр, хөд өсклһнә халхар келн-улсин ниицәнә коммерческ биш бүрдәц энүг давулҗана. Һәәхүлин йовудт олн зүсн харһлтс, «төгрг ширән» сүүрмүд болн номин хургуд давхмн. Энүнд орн-нутгин фермермүд болн номтнр мал өсклһнә халхар дамшлтарн хувалцҗ, өдгә цагин эв-арһсиг яһҗ олзлҗахан келҗ өгхмн.

Урҗ өдр Элст балһсна һардврин толһач Лиҗикә Алдр Москван Пресненск дуһргин толһач Виктория Корховала хамдан нөкцлтин бооца батлв.

Шидр Әрәсән Федерацин Хүүвд орн-нутгин селәнә күч-көлсчнрин хург болв. Терүнд Хальмг Таңһчин Олна палатын гешүн, цергә шишлң керг-үүлдврин ветеран Хулхачин Һәрә орлцснь темдгтә болв.
Хургин йовудт Һәрә Сергеевич үг авч, селәнә һазрт эврә кергән бүрдәсн улсин төрмүдин тускар тодрхаһар келв. Эн эврән крестьянск-фермерск эдл-аху бүрдәһәд, мал асрҗана.

Суңһвр бүртклһнә Хальмгин олна штабин сүүр хөн сарин 26-д таңһчин залврин герт болв. Эн җилин һаха сард дууһан өглһнә хамцу өдрлә болх суңһврин кесг керг бүрдәгдх. Теднә йовудын олна бүртклһиг яһҗ дигтә-даратаһар белдхин тускар сүүрт тодрха күүндвр болв. Эн төрәр Хальмг Таңһчин олна штабин һардач Мучан Баатр зәңгллһ кев. Энүнә келсәр, 2026 җилин намрар Әрәсән Орн-нутгин Хүүвин йисдгч хуралтын депутатнрин, тер мет Элст балһсна Хургин депутатнрин суңһвр болхмн гиҗ Баатр Иванович келв.

Эн долан хонгт Хальмг ик сурһульд «Баатрмуд-08» көтлврин 4-ч девсңгин кичәлмүд болҗана. Цергә шишлң керг-үүлдврин ветеранмуд экономикин салвриг заллһна халхар медрлән цааранднь гүүдүлҗ, хальмг ик сурһулин багшнрин болн профессормудын лекцст болн семинармудт орлцҗана.
«Бидн эндр дарани девсңгин көдлмшән эклҗәнәвидн. Тадн бәәдл-җирһлин баһ биш дамшлт хоршасн улс болҗанат, таднд ода чинртә үүлдвр күцәх керг даалһгдҗана. Таңһчин залврин гешүд таднла дамшлтарн хувалцҗ залврин нүүрлгч эв-арһсин тускар келҗ өглә.