Седкүлчнр дамшлтарн хувалцв

Сегодня, 13:43 | Общество, Таңһчин зәңгс, Зіњг

«Калмыкия» зәңгллһнә бүрдәцин седкүлчнр социальн халхар залһлда бәрдг Төвин көдләчнрин төлә дамшлтын кичәл давулад, зәңгллһнә эв-арһсин үүлдврин тускар келҗ өгв. Хальмгин Келн-улсин телеүзлин (НТК) зәңгллһнә әңгин һардач Тихона Чиңһс телеүзлин көдләчнрин көдлмшин, соңсхврмуд яһҗ белддгин тускар тодрхаһар цәәлһв. Харһлтд орлцачнр бийснь соңсхвр белдлһнә көдлмшт бас орлцҗ үзв.
Таңһчин зәңгллһнә бүрдәцин һардач Марила Хоңһр олнд зәңгллһнә эв-арһсин үүлдврин, барин һарцсин тускар келәд, седкүлчнрин көдлмш амр биш болсн бийнь соньн болна гиҗ темдглв. Социальн халхар залһлда бәрдг Төвин көдләчнриг зәңгллһнә бүрдәцин үүлдвр зөвәр соньмсулв, эдн олн төрмүдәр цәәлһвр авв.
Ирлцңгү Төвин һардач Бадан Бадмин келсәр, иим харһлтс олн халхин үүлдврлә таньлдҗ, шин медрл хоршаҗ авхд болн мергҗлтән өөдлүлхд туслна. Төвин һардвр таңһчин зәңгллһнә бүрдәцлә нөкцҗ үүлдҗ, иим харһлтсиг сән авъяст тохрах седвәр татв.
БАТАН Сәәхлә

Видео