Давсн үлмҗ өдрлә Элстд, Хальмг ик сурһулин ик талвңд уулын улсин хаврин болн шинрлтин Навруз нәр-нааднд нерәдгдсн керг-үүлдвр болв. Хальмг ик сурһульд сурчадг Туркменистана, Киргизин, Узбекистана болн нань чигн орн-нутгудын оютнр энд цуглрҗ олн-әмтиг эврәннь келн-улсин ик байрла йөрәв.

Нүр үгин ормд: Эң-зах уга у-өргн хальмг тег эргәд, гегән-герлин болн эрүл-мендин халхин эклцин тууҗиг сергәхлә, тер саамд Бамба Шургучиевна Тимошкаеван нер оруллго күүндвр кеҗ болшго гиҗ сангдна. Давсн зун җилин хөрдгч җилмүдин эклцәр мана таңһчд советин йосн тогтад,уга- яду улс гегән-герлин тускар ухалҗ йовсн кемд Бамба Шургучиевна Хальмгин нег захднь, Манцин улуст,багшлад, кен-негнднь дөң-нөкдән күргҗ йовсн болдг.
-Эн җил Орһахна нертә гисн хәәртә үрн Бамба Шургучиевна Тимошкаеван 125 җилин өөн болхмн. 1901 җилд олн үртә малч Шуурһчин Петүн бүлд йисдгч үрн болҗ һарсн күүкн бичкнәсн авн керсү болдгарн цугтаһаснь йилһрҗәсмн. Тиигхд хальмг теегт сурһуль-эрдмин халх делгрүллһнд ик ач-тусан күргҗәсн багш Юркова Татьяна Дмитриевнала болн Хальмгин эрүл-менд харлһна керг бүрдәлһнд орлцҗ, Элстд түрүн эмнлһ сексн дамшлтта эмч Залкинд Семен Рафаиловичла бичкн Бамба таньлдснь хөвтә йовдл болв гиҗ сангдна. Эн хойр гегәрүлгч ик хар нүдтә хальмг күүкнә билгинь тер дарунь гилтә илдкҗ, сурһуль сурх селвг өгсн болна, - гиҗ шидр Орһахн селәнә сойлын Герин һардач Дельдинә Николай бахтҗ, отг-әәмгән туурулсн нег һазра күүкд күүнә тускар хальмг газетин умшачнрт медүлх күслтәһәр мана редакцд ирсн учран цәәлһв. Энүнә үгәр,нег хотна әмтн эврә цагтан төрскн һазр-усна нер һарһҗ йовсн улсин бәәдл-җирһлин туск тууҗиг улднь күргҗ шинҗлҗәдг учрар урднь олнд медгдәд уга чигн зәрм тоотыг тодрхалулх седкл зүүҗәдг болҗ һарв.

Урҗ өдр Элстин «Октябрь» кинотеатрт Москва балһснд көдлдг нер һарсн баахн режиссер болн продюсер Саңһҗин Евгений цокч авсн «Космическая собака Лида» нертә фильм үзүлв. Нег һазра улсла хамдан энүг Хальмг Таңһчин Толһач Хаска Бату бас хәләв.

Моһа сарин 27-д таңһчин залврин герт Хальмгин Росгвардин заллтын арвн җилин өөнд нерәдсн байрин хург болв. Хальмг Таңһчин Толһач Хаска Бату, Улсин Хуралын (Парламентин) ахлач Артем Михайлов, залврин ахлач Босхмҗин Гилән, зөв-йос харлһна бүрдәцсин һардачнр, цергллтин ветеранмуд терүнд орлцв.

Сойл - келн-улсин үндсн болдгинь җирһлин тууҗ медүлҗәнә. Давсн цагиг, эндрк өдриг залһлдулҗ, сойлын көдләчнр җилин дөрвн цагт әмтнд сергмҗ үүдәҗ, билг-эрдмәрн байрлулна.

Хальмг Таңһчин болн Луганск Улсин Республикин Антрацитовск района хоорнд батлгдсн нөкцлт цуг халхар делгрҗ, иньгллтин залһлдан өдр ирвәс батрҗана. Таңһчин эрүл-менд харлһна, сурһуль-эрдмин, социальн теткврин, жилищн-коммунальн болн тосхлтын бүрдәцсин көдләчнр, арһлачнр дөң-нөкд болҗ, хамцу керг-үүлдврмүд давулҗ, дамшлтарн хувалцна. Шидр мана таңһчур Антрацитовск района әмтнә социальн теткврин төвин көдләчнр болн бүрдәцин хәләврт бәәдг гемтә-шалтгта бичкдүд ирв. Бүрдәцин мергҗлтнр энд дамшлт хоршаҗадг болхла, күүкд-көвүд эрүл-мендән батрулҗана.

Әрәсән сойлын көдләчин Өдрлә ирлцүләд «Калмыкия» зәңгллһнә таңһчин бүрдәцин ветеранмуд орн-нутгин сойлын көдләчнрин профсоюзин Күндллһнә һашгар ачлгдв. Әрәсән сойлын көдләчнрин профсоюзин Хальмг Таңһчд үүлддг әңгин ахлач Очр Иванов ачлвринь бәрүлҗ өгәд йөрәв.

Элстд «Медрл» олна ниицәнә седвәрәр сурһульчнрин эк-эцкнрин төлә сурһмҗин болн сурһулин төрмүдәр харһлтс давулгдҗана. Түрүн харһлтс Элстин техническ лицейд, Зая-Пандитан нертә хальмг этносойлын гимназьд болв.

Мана таңһчин ик сурһульд оютнриг урмдуллһна кесг эв-арһ бәәнә. Болв ик кемҗәтә стипендь авхин төлә кесг невкрлә ирлцҗ сурх кергтә. Хамгин түрүнд сәәнәр сурад, тер мет номар соньмсад, олна керг-үүлдврт шунмһаһар орлцҗ, олнд үлгүр болҗ нерән дуудулад бәәхлә, тер ачлвриг авч болхмн.
Хальмг ик сурһулин шишлң комиссин шиидврәр ут турштан 175 күн тиим ачта стипендиг авх зөвтә болв. Тер тоод муниципальн заллтын, багшин болн нань чигн дацңгудын оютнр тиим күцәмҗ бәрв. Өөдән стипендиг авчадг оютнр номин статьяһан олнд темдгтә седкүлд барлна, Цугәрәсән марһаст орлцҗ мөрә авна, эврә төсвән күцәҗ, терүнд кесг улсиг, тер тоод сурһульчнриг орлцулна.

Эн өдрмүдт җил болһн болдг «Абилимпикс» таңһчин марһан Элстин политехникин колледжд эклв. Энд цуглрсн марһанд орлцачнриг болн шинҗләчнриг таңһчин сурһуль-эрдмин болн номин министерствин ахлгч мергҗлт Кермн Муева йөрәҗ күцәмҗ дурдв.