Дииләчнриг йөрәв

Сегодня, 13:18 | Общество, Таңһчин зәңгс, Зіњг

Шидр Хальмг Таңһчин Толһач Хаска Бату Москва балһснд «Алтн бүс» гидг цергә билг-эрдмин XVI Келн-улсин мөрән дииләчнриг ачллһна байрин керг-үүлдврт орлцв. Таңһчин Толһач җилин сән гисн спортсмен болсн Константин Шахтаринд ачлвринь бәрүлҗ өгв. Пермь һазра спортсмен муайтай бәрлдәнә халхар дөрвн дәкҗ нарт-делкән чемпиона нер зүүһәд, Әрәсәд хамгин ик күцәмҗ бәрсн бөк болна.
- Цергә билг-эрдмин элчнрин кесгнь ода Төрскән харсч йовхиг меднәв. Залу-зөрмгән үзүләд, цергә даалһвран күцәҗ йовдг Әрәсән дәәчнрт ик ханлтан өргҗәнәв. Цуг бөкнрт, дамшачнрт, багшнрт спортын халхар сән гисн авъяс хадһлҗадг төләднь бас ханлтан өргҗәнәв. Бидн хамдан урдк үйнрин кергиг цаараднь делгрүлҗ йовнавидн. Әрәсән цергә билг-эрдмин ниицәнә баг мана спортсменмүдин диилвр цуг орн-нутгин төлә ик чинртә болҗахиг олнд медүлҗәнә, - гиҗ Хаска Бату темдглв.
Ода Әрәсән кикбоксингин баг Колумбия орн-нутгт нарт-делкән марһанд орлцҗана, Хаска Бату теднд күцәмҗ дурдҗ, бидн дииләчнрин авцта улс мөн, тегәд хамдан эрк биш диилвр бәрхвидн!»- гиҗ эн товчлв.
БАТАН Сәәхлә

Видео