Дегтрин саңгудт – сән таал

Сегодня, 13:22 | Общество, Таңһчин зәңгс, Зіњг

Хальмг Таңһчин Толһач Хаска Бату сурһулин, үүдәлтин болн билг-эрдм делгрүллһнә бүрдәцст өдгә цага сән таал тогтагдҗахиг темдглв. Тиигәд шаңһа көтлврмүдин болн келн-улсин төсвсин йовудт ясврин көдлмш кегдснә ашт дегтрин саңгуд ода олн халхин өдгә цага төвмүдт хүврҗәнә гиҗ таңһчин Толһач темдглв.
- Ик Царң селәнд «Өрк-бүл» гидг келн-улсин төсвин йовудт төв дегтрин саңд бат ясвр кегдв. Ода энд умшачнрин төлә сән таал тогтагдв, өдгә цага кергсл углҗ тәвгдв. А.Амр-Санана нертә Келн-улсин дегтрин саңгин улд болхла Хальмгт сойлын-гегәрлтин түрүн төв секгдв. Тер мет һурвдгч давхртнь келн-улсин кев-янзар кеерүлгдсн талвң бүрдәгдв. Яшкуль селәнд зун һар җил хооран тосхгдсн дегтрин саңд бас бат ясврин көдлмш кегдҗәнә, ирх җилд болхла бүрдәцин эргндк һазрнь кеерүлгдҗ, шин парк секгдх болҗ зуралгдҗана. Шинрүлгдсн бүрдәцст бичкдүд болн баһчуд олар цуглрҗ чадхмн. Дегтр умшад, сурһульта болн ухата улс болтн гиҗ мана баһчудт дуудвр кеҗәнәв, - гиҗ таңһчин Толһач селвглв.

БАТАН Сәәхлә

Видео