Дулаһар тетклһнә кем эклв

Сегодня, 13:31 | Общество, Таңһчин зәңгс, Зіњг

Урҗ өдр Элст балһснд дулаһар тетклһнә кем эклв. Шидр хотл балһсна һардврин ЖКХ-н болн тосхлтын заллтын һардач Манҗин Эрднь олнд зәңгллһнә эв-арһсин көдләчнрлә харһад, дулаһар тетклһнә кемд балһсна бүрдәцс ямр кевәр белдснә тускар келҗ өгв.
- Дулаһар тетклһнә кемд белдвр дигтә-даратаһар күцәгдв. Балһсна бүрдәцсиг болн олн давхрта гермүдиг дулаһар теткхин төлә цугнь белн бәәнә. Залврин бүрдәцсин ик зунь дааврта кемд көдлх зөв авв, бүртклһнә керг-үүлдврмүдин йовудт илдкгдсн дуту-дундс уга кегдв. Хулһн сарин 15-д Элстд дулаһар тетклһнә кем эклхмн. Хамгин түрүнд социальн бүрдәцс дулаһар теткгдх, дарунь олн патьрта гермүдт дегд чигн дулан болх. Кемр һаза цааранднь чигн дуларад бәәхлә, залврин бүрдәцс дула өглһнә кемҗәг дигләд, әмтнә гермүдт халун болшго төләд цугинь күцәхмн. Кемр тана герт дулан эс өггдхлә, залврин бүрдәцд эс гиҗ негдсн диспетчерск цергллтд җиңнүлх кергтә, - гиҗ Эрднь Саврович цәәлһв.
Даван Наталья

Видео