Љирєлнь маднд герлті ўлгўр болљ ўлдв

Шаљна нерті ўўлдіч, моњєл келтнрин оюни нег гегірлтнь болљасн Шальван гегін бурхн болсн зіњгиг Хальмгин імтн гейўрсн седклтієір тосв. Хутгт цолта Шальван гегін йир цецн ухата, ґр-ґвч седклті, цецн тоолврта кўн біісмн. Шаљна хувргудын тоолврар, эн йоста бодьсад болсн, олнд амулњ-менд дурдљасн гўн номта лам біісмн.

Шинљінд ламин герўр ирдг улсин то тасрлго біісинь тиглін одсн улс тодлна. Йосн хальмгуд гиљ эдн иніљ келдмн. Ямаранчн цагла, ґрўн эрт, сґґни ґріллі чигн кергірн ирсн кениг чигн соњсх, селвг ґгх, хаалєинь секх, ном умшљ ґгх цаг Шальван гегін олдг билі. Хальмг телеўзлин редактор Тамара Надбитова тодлсар, медрлті болн ик цолта лам болсн деерін, эн кўн йир зґргті кўн бііснь тодлгв. Культурн революцин єашута цагла Шальван гегін тўўрмд зовлњ эдлсн бііљ. Тиигхд киитн болн ґлн цагт кўчр кўндиг дааљ єархин тґлі тімк татдг болсан журналистнрт келљ ґгсмн. Тиим кўчр засгла харєсн бийнь эн юмнас іідго біісмн, ўнн юмиг ўнірнь келдг тґлідін, імтні зґвин тґлі дууєан ґргдг тґліднь энўг депутат суњєсн бііљ. Шальван гегіні теслтин болн ардагшан цухрдго, келсн ўгдін кўрдг, дґњ болхасн муурдго кўўні ўлгўр болљ олн імтн дундан эн кўн ўлдв.

2012 љилд Шинљінд командировкд одсн «Сін цаг» телекомпаня бўрдієіч Алтман Трофимов Шальван гегінлі харєљ кўўндсін мартхш. Хальмг радион редактор Савр Манджиевла хамдан йовсн эдн Урумчид одсн ґдрісн авн Шальван гегінлі харєхар кўўндсмн. Зуг эн кўн кергір талдан єазр орсн, тегід хойр дола хонад, хірљ ирхлінь харєљ. Шальван гегін бийнь Иљл єолын кґвієіс ирсн хальмгудла харєхар ирід, гертін авад тедниг тоосмн. Хальмг гиичнр тенд біісн цагла Шальван гегін тал кергірн імтн ирід біів. Шин керг секљіх улс хаалєан секхір, нег ґрк-бўл ўрніннь эрўл-мендин тґлі ном умшулхар, талдан негнь бичг татулхар, иигід кех кергтін селвг авхар, ном умшулљ тґвкнхір ирсн кениг чигн єундалго Шальван гегін кўўндід, кергинь кеєід єарєад біісинь Алтман тодлна. Імтн терўнд йир икір иткдгинь, ўнн седклісн кўндлдгинь ўзід, тедні тґрт орлцад, дґњ болдг Шальван гегін цугтаднь оньган ґгх цаг яєљ олдг біісинь алњ болљ санна. Шин тоотар соньмсдг біісинь эн бас оньєв. Тиигхд эклід єарчасн мобильн телефонд ўг келхлі дахад келід біідг мис орулсн кециг медљ авхар Шальван гегін хальмг келір келід бііхлі, телефонас давтад келід біісн ду соњсад, лам ље гитлін инісинь Алтман тодлљ келв.

Хальмгин тускар тер икір соньмсдг билі. 1988 љилд Хальмгт ирсн бііљ. Кўўндхлірн райодын тускар сурад, альд юн бііхнь, кен ю кежіхинь соньмсад біідмн. Ґцклдўр Элстіс ирчкід, мањєдур хірў Элст орљах кўн кевті тиим олн юм хальмгудын тускар тер меддг билі гиљ Савр Манджиев келні. Хальмгт дікн нег ирх седклті билі гиљ Алтман немљ келв. Тер йовлєндан хальмг журналистнр Шальван гегіні ик интервью бичљ авсн билі. Ода терўгін дікніс імтнд ўзўлх саната бііні.

Цаєан сар, Зулын байрла хальмг улсиг Шальван гегін илгісн йґрілиг газетдан бидг кесг барлсн билівидн. Терўгинь номт Баазр Бичеев Шальван гегінлі кўўндід белддг билі. Тиигід Шальван гегін Хальмг Тањєчд кесг кў меддг біісмн. Зуг єундл болхд дікн нег ирід, хальмгудла харєљ чеељін девтіх кем эс учрснь єундлта.

Нутгин ґґдін нернь болн тоомсрнь болдг улсин негн бурхн болв. Олн-імтндін цергллєні ірўн чик седклті љирєлнь маднд герлті ўлгўр болљ ўлдв.

Шальван гегіні санлд Бурхн Багшин Алтн сўмд болн райодын хурлмудт Шальван гегіні санлд шишлњ мґргўлмўд кегдв.
Ушкана Сувсн