Эрўл-мендін батрулхин тґлі

06-08-2020, 10:10 | Общество

Шидр августын 4-д Бурхн Багшин Алтн сўмин гелњгўд шишлњ мґргўл кев. Манла бурхна номиг ціілєлєнд тернь нерідгдв. Ямаранчн геміс гетлхд, бийін эрўл-менд бірхд туста 12 номас тогтсн мґргўлиг хурлын гелњгўд кўців.
Болх-болшго юмар зовад біідг, седкл тґвкнўн біідго імтнд эн ном нег ўлў туста болна. Ода коронавирус геміс кґлті біідл тґвкнўн биш цагт мана хурл иим мґргўлмўд кељіхнь сін йовдл болљана. Коронавирусас гетлгх эм хіієід Ірісін номтнр болн эмчнр шинљллтин ик кґдлмш кељіні. Цуг делкієір тўгсн гемиг зогсах ўўлдврт цугтан орлцх зґвті. Санамрдљ біілго, эмчин заавр кўціљ, ґґр улсин тускар ухалљ, эрўл-мендін батлгч керг-ўўлдвр кўціх кергті. Тегід туслх нег арєнь номин кучн болљана. Зальврад бііхлі, біідл ясрад бііхмн.

УШКАНА Сувсн

Видео