Удан цагт көдлсн төләдән

09-12-2020, 11:54 | Общество

Хальмг Таңһчин улс олн җилдән көдлсн төләдән болзгас эрт пенсьт һархин туск эрлһ орулна. Эн жил пенсионн саңгин заллтд таңһчин райодт болн Элст балһснд 9 күн эрлһән орулв гиҗ ПФР-ин Хальмг Таңһчар үүлддг әңгин барин цергллт зәңглҗәнә. Эрлһ орулсн улсас тавн күүнә туст болзгас урд пенсьт һарх зөв өггдв.

2019-ч җиләс авн болзгас урд даатхлһна пенсьт һархин туск шин закан үүлдҗәнә. Терүнә төлә залу улс баһ гиснь 42 җил болн күүкд улс 37 җил көдлх зөвтә болна. Эн кемҗән пенсьт һарх насн күрхәс хойр җилд урд һархд зөв өгнә. Болв залу улс 60 наснас болн күүкд улс 55 наснас урд һарч болшго. Болзгас урд пеньст һарх стажд ПФР-т даатхлһна мөңгн орулгдсн көдлмшин цаг болн цаг зуур эс көдлсн цагт эрк биш социальн даатхлһна халхар демин мөңг авсн кем тоолгдна. Нилхиг асрлһнд бәәсн болн церглсн цаг даатхлһна стажд тоолгдхш.
Мана зәңгч

Видео