УФСИН-ә көдләчнр цусан ѳгв

14-08-2021, 15:03 | Общество

Цус керглҗәдг әмтнд УФСИН-ә көдләчнр шидр дөңгән күргв. Гемтә улст цусн күртҗәхш, цусн кергтә, гиҗ региональн цусна цергллт зәңглҗәнә.

Цусан өглһнә акцд УФСИН-ә 10 көдләч орлцв, урдаснь күн болһнд медицинск шинҗллт кегдв. Ирх өдрмүдт дәкәд талдан көдләчнр эн акцд орлцад, цусан өгхәр зуралҗана.
Темдглхд, таңһчин зѳв-йосна системин көдләчнр дунд ачта донормуд бәәнә, түрүн болҗ цусан өгсн улс бас эн акцд орлцв. Келхәс, эн керг-үүлдвр сән авъяст тохрв, тегәд цусан өгх седклтә көдләчнрин то өдр ирвәс өсәд йовна.
Эн өдрмүдт күн болһн цусна цергллтд ирҗ цусан өгч чадҗана. «Эврән болхла 18-әс авн экләд цусан өгләв, 2019-ч җилд Әрәсән ачта донор боллав. Цус керглҗәдг таньдго күүнә әминь аврхин төлә арһ бәәхлә йир сән», – гиҗ УФСИН-ә көдләч Савгура Дольган келв.


Белдснь КАРСАНА Евгения

Видео