Суњєврин аш чик гиљ йилєгдв

30-09-2021, 14:37 | Общество

Одахн Ірісін Тґв суњєврин комиссин хань РФ-н Орн-нутгин Хўўвд болсн суњєврин ашиг батлв. Тиим ашвлр кехин, єоллгч протокол батлхин тґлі цуг орн-нутгар кґдлљісн суњєврин комиссьмўдин кесн то-диг тоод авгдв. Тиигљ суњєврин ик кампань тґгсв. Шин парламентин ханьд урдк кевір дґрвн биш, зуг тавн парть орв. Тедніс «Единая Россия» цуг ормин ик зууєинь эзлв, талданар келхлі, 324 мандат хоршаљ авв, КПРФ 57 орм авв, «Справедливая Росссия - За правду» – 27, ЛДПР – 21, «Новые люди» – 13. Бас єурвн парть нег мандатта округар нељід орм эзлв, тер тоод «Родина», Партия Роста болн «Гражданская платформа» партьс мґн. Тер мет эврін бийін заасн тавн кўн бас депутатнр болв.

– Бидн Орн-нутгин Хўўвд эврі тоолвран келљ, парламентин кґдлмшт оњдаруллє орулљ чадхвидн, хамгин тўрўнд мандатан авх кўслдін кўрвидн, тернь мана єол кўцімљ болв, – гиљ «Новые люди» партин элчнр келв.
Болв суњєврин йовуд эвдсні мињєід йовдл єарв гисн єазадын орна агентств-бўрдіцс тархаљасн худл зіњг болн политикўдин шалєгч тоолврин тускар келхлі, тедніс эрлєн болєниг Ірісін Тґв Суњєврин комиссь шинљлід эврі ашлвран медўлв. «Комиссьмўд йоста биш гиљ 40 мињєн 605 бюллетениг йилєв. Кемр чимкіхін маєдлєн біівв чигн, дууєан ґглєні ашиг нег мґслгч кевір бурушатн гиљ орн-нутгин Президентлі болсн харєлтд келлів. 40 мињєн 650 суњєврин бюллетень – энтн цуг дууна 0, 0004 % болљана. Тегід тиим бичкн процент «бузр кампань» болљану?» – гиљ ЦИК-ин ахлач Элла Памфилова тоолвран келв.
Ірісід болсн суњєврт 56 сай кўн ирв гисн ашиг тоод авхла, тер чимкіхін эвдлєн тґрўц ямаран чигн чинр уга. Тиим таалд холас дууєан электронн кевір ґглєн ик ицгті болљ єарв, терўг долан регионд олзлв. Электронн систем итклті болљахан герчлв. Тегід суњєвр ўнн-чик таалд давв гиљ ицгтієір келљ болљана.
Терўг политикин партьсин ик зунь иткўлв, тиим кевір «Негдсн Ірісі» парть тиим таалд диилвр бірсн болљана. Тер йовдл олн-імтні ик дґњнлтин, итклин тускар герчлљіні. Олн-імтиг цугтаєинь меклљ болшго, «Негдсн Ірісі» орн-нутгин экономикиг батрулљ, олн-імтні біідл-љирєлиг ясрулљ чадх, терўг ил кергірн иткўлљ чадв. Пандемийин кўнд таалд эдн бачм кесг керг-ўўлдвр батлљ, волонтермудыг эн кергт орлцулљ медіті кесг улст дґњ болљ чадв.
Парть ода урдк кевір Орн-нутгин Хўўвин ик зууєинь тогтаљана, правительствла бат залєлда бірні, Ірісін цуг регионд олнд туста ик кемљіті тґсв кўціљіні. Цуг тер кергнь імтнд таасгдљана, тегід эдн «Негдсн Ірісіг» дґњнв.
– Маднд диилврін темдглх цаг ода чигн ирід уга, уга-яду біідлиг уурулхла, эрўл-менд харлєнд болн сурєуль-эрдмд бііх кесг дуту-дундыг уга кехлі, балєсн – селін болєнд љирєлин ґдгі цагин таал тогтахла, инфраструктуриг оњдарулхла, бидн кўцімљд кўрхвидн гиљ Ірісін Президент Владимир Путин правительствлі болн «Негдсн Ірісі» партин нўўрлічнрлі болсн харєлтд темдглв. Тиим кўнд, кўціхд амр биш тґриг Президент тівв. Тиим кевір партьд болн правительствд бачм кевір кўціх даалєвр ґггдв, эн туст кесг тоот кегдсн бііні, болв цааранднь кўціх юмн тўўніс ик. Тегід олн імтн «Негдсн Ірісін» тґлі дууєан ґгід мел чик шиидврін авсмн.
Элла Памфилован темдглсір, он-лайн участкудт 90 єар процентіс ўлў суњєач ирв. Талдан регионмудт бас тиим эв-арє олзлхар седљіні, тегід онлайн дууєан ґглєн иргчдін зуг икдід бііхнь лавта.
Экспертмўд чигн эн туст тоолвран медўлв. Эдні келсір, «Негдсн Ірісі» партиг РФ-н Президент дґњнљ, тўўні съездт орлцснь, парть кўцімљ бірхд нилчін кўргв. Йирин иргнмўдин тоолвринь оньгтан авч, партин кґтлвриг йилєљ авв, тернь бас суњєврин ашт ик туста болв.
Партин спискиг нерті тавн єардач болн регионмудт олна дґњнлт авсн губернатормуд толєалсн тоот бас кўцімљті болв. Тер мет партиг дґњндг улсиг дууєан ґглєнд урмдулхин тґлі ик кемљіті болн олз-туста кампань бўрдігдв гиљ шинљлічнр темдглв. Депутатын кандидатнр бас дигті-даратаєар йилєгдв. «Негдсн Ірісі» партин кґтлвр чигн тодрха ўўлдврин зура болв, тегід суњєачнр терўнд иткв. Талдан партьс тиим кґтлвр белдљ чадсн уга.
Электронн дууєан ґглєнд бичі орлцтн гиљ КПРФ заквр ґгсмн. Тўўніс кґлті эдн кесг дууєан геев. Москван зірм участкудт коммунистнр єал мањнад йовла, болв ашиг медўлсні хґґн эдн нўр орман геечкв.
Электронн дууєан ґглєиг цааранднь делгрўлх кергті, йирин бюллетеньслі дегц эн технологий ґргнір олзлгдх зґвті гиљ политологуд тоолљана. Тўрўлід єурвн регион біісн болхла ода долан болв, тиим кевір ЦИК дўсўлљ шин тоотыг эдлврт орулљана. Даруєас болсн суњєврт шин технологийиг цуг регионар олзлљ болљана.
Болв хамгин тўрўнд імтн участкудт дууєан ґгх зґвті гиљ политологуд тоолљана.

ТЎРВІН Єуна

Видео