Нґкцлт делгрљіні

02-10-2021, 14:00 | Общество

Љил ирвіс Хальмг Тањєчин болн Энткг орна хоорндк нґкцлт делгрід йовна. Нег ўлў Ірісід біідг Энткгин элчллтлі мана тањєчин сойлын кґдлічнр кўцідг залєлдан ґргљід бііні. Цґґкн љил хооран Хальмг ик сурєульд Энткг орна элч ирљ иньгллтин болн кесг халхар кўціљіх залєлдана тускар оютнрт келљ, эдні кесг сурврт хірў ґглі. Тер авъясиг цааранднь батрулљ одахн Хальмг ик сурєульд Энткг орнас ирсн делегацла, культурологин нарт-делкін тґвин элчнрлі соньн харєлт болв.

Энўні ханьд эвин тґлі ўўлддг Азин Буддийск конференцин, Ірісід біідг Энткгин элчллтин кґдлічнр тоолврарн хувалцв.
Тер мет кўндті гиичнрлі хамдан тањєчин Шаљн Лам Тэло Тулку Ринпоче, Бурхн-Багшин Алтн сўмин єардач Йонтен лам ирв.
Хальмг ик сурєулин нерн дееріс нарт-делкін нґкцлтин тґрір біідг проректор В. Имеев, хальмг филологин болн востоковеденя институтын єардач М. Лиджиев, профессормуд болн доцентнр харєлтд орлцв.
Энткг орна вузмудын болн Хальмг ик сурєулин нґкцлтин, хамцу ўўлдвр кўцілєні туск кесг тґрір тодрха кўўндвр болв. Тер мет номтнр хамцу шинљллт, кґтлвр болн тґсв кўцілєні тускар тоолврарн хувалцв. Багшнрин болн оютнрин дамшлєна болн академическ сольлца келєні тускар бас келгдв. Тиим кевір вузмудын хоорндк нґкцлт ґсід-ґргљід йовхнь лавта.
Энткг орна халхас йиртмљ шинљлдг ном даслєнд єол оньг ґггдні. Тегід Хальмг ик сурєулин номтнр хол орн-нутгин вузмудт болсн конференцд эсвір болн физикір лекц умшад, оютнрла болн багшнрла занять кев. Энткгин оютнр ода Хальмг ик сурєульд физикин болн астрономин кичілмўд дасчана. Эн хамцу ўўлдвр цааранднь чигн делгрлт авад бііхмн гиљ ніілљ болхмн.
ЉААХАН Бадм

Видео