ик дааврта эрдм

07-10-2021, 10:28 | Общество

Хальмг Таңһчин Толһач Хаска Бату багшин Өдрт нерәдҗ йөрәлин бичг илгәҗ, таңһчин сурһуль-эрдмин халхин көдләчнрт болн педагогическ күч-көлснә ветеранмудт бүлән үгән нерәдв.
«Багшин көдлмш хамгин күндтә болн дааврта көдлмшин негнь болна. Багш бичкдүдт гүн медрл, чик сурһмҗ өгнә. Сән багш сурһульч болһна нәәһинь олҗ, сурһулян сәәнәр сурхд урмд өгч, бийән болн талдан улсиг күндлдгиг дасхна. Хальмг Таңһчд эврәннь эрдмдән дурта багшнр көдлнә. Тадн сурһульчнртан гүн медрл өгч, Төрскндән дурта болхиг, үүдәгч кевәр үүлдхд омг өгнәт. Тана көдлмшәс мана таңһчин иргч ямаран болхнь, кен энд бәәхинь болн төрскн һазр-усндан эдн ямаран улс болхнь ирлцнә. Багшин нилчәр бидн җирһл медҗ, эврә керг олнавидн», – гиҗ таңһчин Толһач йөрәлин үгдән темдглв.
Педагогическ күч-көлснә ветеранмудт Бату Сергеевич онц ханлт өргҗ, өдгә цага үйин сурһмҗд эдн ик тәвцән орулҗахинь, эндр таңһчин сурһуль-эрдмин халхд көдлҗ йовх багшнрла эдн байн дамшлтарн хувалцҗахинь темдглв.
Бас тер мет Хальмг Таңһчин Улсин Хуралын (Парламентин) Ахлач Анатолий Козачко болн таңһчин правительствин Ахлач Юрий Зайцев таңһчин багшнриг сән Өдрләнь йөрәҗ, бат эрүл-менд болн күцәмҗ дурдв.
Мана зәңгч

Видео