Багшин Цугәрәсән долан хонг

07-10-2021, 10:30 | Общество

Хулһн сарин 4-әс авн 10 күртл мана орн-нутгт түрүн болҗ багшин Цугәрәсән долан хонг давҗана. Багшнрин ач-тус темдглхин, эн эрдмин чинр өөдлүлхин төлә олн зүсн керг-үүлдврмүд бүрдәгдҗәнә. Тиигәд, хулһн сарин 4-д тууҗин багшнрин нарт-делкән конгресс, «2021-ч җилин сән гисн багш» Цугәрәсән марһана ашлгч девсң болв. Тер мет эн өдрмүдт 2021-ч җилин сән гисн һардач болн сурһмҗлач йилһҗ авгдхмн. Долан хонгин туршарт социальн cүлцәнд күн болһн дурта багшан йөрәҗ, ханлтын үгән нерәдҗ чадҗана.
Мана таңһч Цугәрәсән керг-үүлдврт бас шунмһаһар орлцҗана. Таңһчин сурһуль-эрдмин бүрдәцст олн зүсн керг-үүлдвр, марһан, байрин концертмүд бүрдәгдв. Күн болһн «Мини түрүн багшт нерәдгдҗәнә», «Багш – мини зүркнд» гидг керг-үүлдврмүдт орлцҗ чадхмн, «төгрг ширән» сүүр, харһлтс болхмн. Балһсна олна көлгнд эн өдрмүдт багшнрт нерәдсн йөрәлин видеүзүлгдхмн.
Багшин Өдрт нерәдсн байрин хургт сурһуль-эрдмин халхд олн җилдән үнн-чик седклтәһәр көдлҗ йовх багшнрт өөдән ачлврмуд бәрүлҗ өггдв. Байрин керг-үүлдврмүдт сурһульчнр болн сән дурар үүлддг баһчуд шунмһаһар орлцв.
БАТАН Сәәхлә

Видео