Артистд, кґгљмчд, нііљдін

07-10-2021, 11:05 | Общество

Імтіхн булгин уста, ораєарн шуугад урєсн урємлта Кґк Булгин єазр билгті улсарн байн. Энд ґсљ-боссн, билг-эрдмірн нер єарсн, сііхн дууєарн олн-імтні седкл авлсн дууч Увшин Вячеслав тедні негнь билі. Дууч тґрскн єазртан тењкін уга дурта билі. Иим билгті кўн ямр ахр наста біісмн гиљ эндр мадн харм тґрнівидн. Шидр Кґк Булг селінд олн ўўрмўднь, ахнр-дўўнрнь, ґрк-бўлнь, элгн-саднь хурад, санлынь тевчв. Келхд, Яшкуляс єуч шаху нііљнь ирљ, санлын асхнд орлцв. «Артистд, кґгљмчд, нііљдін» гиљ Увшин Вячеславин санлд нерідсн концерт єурвн частан болсн бийнь нег агчмд давснь медгдв.

Нер єарсн дууч, кґгљмч Манљин Аркадий ўўдігч багиг єардљ ирснь селіні улст ик байр ўўдів. Энўнлі хамдан ирсн дуучнр Цевгі Бадм болн Очрєірін Леонид олн дунд тааслт олсн дуд дуулв. Цуєараєаснь халунар селініхн Славан Юлда кўўкиг тосв. Юлда эцкін дурасн билгті кўўкн. Бичкн болв чигн олн концертд, фестивальд эн орлцна. Эцкнь ґссн-боссн єазрт ирљ, билг-эрдмін єарєснь бас йорта гиљ сангдна.
Ирсн гиичнр нііљін бўлінір тодлљ, тодлврмударн хувалцв. Вячеслав ямаран чигн хар санан уга, цаєан седклті, билгті кўн билі. Дун болєндан зўркін ґгч, йир нірн кевір соњсачнртан кўргдг билі гиљ келв. Дууєан дуулад, билг-эрдмін єарєад олн єазр эргід йовдг Манљин Аркадий селіні імтнд иим бўлін ўгмўд келв: «Тана селіні сойлын Гер айта сііхн. Нег чигн селінд иим сііхн, сін таалта сойлын гер ўзід угав. Тадн ухан-седклін, арє-чидлін хамцулад тосхсн учрар тиим болљана. Цааранднь чигн цуєар седкл ни біітн».
Увшин Вячеславин элгн-садна нерн дееріс педагогическ кўч-кґлсні ветеран Энчін Лидия болн селіні депутатнрин Хургин ахлач Шерахтин Нимі ўг келід, иигід эњкр дуучин санлыг тевчсн ўўрмўдтнь ханлтан ґргв.
Бидн Вячеславта бас ўўрлљ йовлавидн. Энўнлі залєлдата иим нег йовдл тодлгдна. Бурхн Багшин Алтн сўм тосхгдљасн кемлі тањєчин билгтнр бас тівцін орулх седклтієір райодар йовад, імтнлі харєад, билг-эрдмін єарєад, хурлын тосхлтд болм тівцін орулдг билі. Нег дікљ Сарпан районд иим харєлт болв. Вячеславта хаалєин туршарт хальмг сойлын делгрлтин, тууљин тускар кўўндід кўрўвидн. «Ііт майор», «Буханкин Бадм», нань чигн дуд домбрт дуулдг билгті дууч билі. Хальмг улс Сивріс ирід, тањєчан босхљасн кемлі дууч Манљин Очр імтнд омг, сўрі ґгдг тґліднь Басњ Бадьминович Городовиков эвріннь машиєін илгієід, олн імтн хурсн стадионд ирід, тедниг байрлултха гиєід дуучиг дуудљ авдг билі, йир кўндлдг билі гиљ соњслав. Харм тґрхд, Манљин Очрин авцар дуулдг дуучнр ода уга гихлім Вячеслав:
– Очр Езурович імд-менд, ода чигн заглюн, шулун-шудрмг. Мадн хам-хоша, нег уульнцд біінівидн. Хая нег мендинь медхір оддув. Кесгтін кўўнднівидн, – гисн байрта зіњг нанд келв.
– Юњгад иим билгті, нер єарсн кўн мартгдв? Єундлта йовдл, – гиљ саналдљ келхлім, Слава:
– Нанд бас єундлта. Очр Езуровичла ідл улсиг альхн деерін бірх зґвтівидн. Эднтн мана зґґр. Ірісін радион Алтн кґрњд энўг хара зґњдін орулсн уга болх, – гив.
– Гертін ирн, удан татлго, Очр Езурович тал одхмн, – болљанав.
Слава зґвті гиєід, дарунь гилті ма хойр хальмгин йосар шикр-балтаєан авад кґгшієўр ирљінівидн. Шулун-шудрмг кґгші мадниг тосад єарч ирв. Хальмгин тууљ, сойлын зґґр – мана ґмн! Эрўл-менд! Зандрсн улан ціієін ууєад, мадн кесгтін кўўндвидн. Ўгті-кўўрті Очр Езурович кесг соньн тууљ маднд келід, тодлврмударн хувалцв.
«Олн-імтні дууч» гидг ґґдін цол зўўх кўн – Манљин Очр. Юњгад иим билгті кўн ямаран чигн ачлвр уга болхмби? Эн тґр Слава ма хойриг ўўмўлід, седклин килісн болв. Тегід кергті цаас хураєад, мадн арднь орвидн. Тањєчин седкўлчнрин Нииціні ахлач Шавалин Санл мадниг дґњнід, эн тґр хаєлгдв. Алдр Диилврин ґмн ґргнд Очр Езурович Манджиевд «Хальмг Тањєчин сойлын ачта кґдліч» гидг цол зўўлєгдв («Хальмг Тањєчин олн-імтні дууч» цол зўўхин ґмн тўрўлід иим ачлврар ачлгдх зґвті болв). Тиим болв чигн кґгшн кўўні ачинь хірўлљ, седклинь байрар дўўргснь – Слава. Кен ахан кўндлдг, делгў седклті кўн біісинь эн йовдл лавта иткўлљіні.

ЦЕДНІ Раиса

Видео