Бичкдүдин эмнлһнд дөңгән күргв

09-10-2021, 14:39 | Общество

Шидр Хальмг Таңһчин Улсин Хуралын (Парламентин) Ахлачин дарук Сергей Сухинин Манҗин Валентинан нер зүүдг бичкдүдин медицинск төвд одад, саглуллһна эв-арһс белглв.

– Эндрк амр биш цагла бидн коронавирусн гемиг диилхин төлә эмнлһнә бүрдәцст арһ-чидләрн дөңгән күргхәр шуннавидн. Таңһчин Улсин Хуралын (Парламентин) депутатнр эврә сән дурар буйнч седклин кергт орлцҗ, эмчнриг дөңнлһнә, гемәс хөрлһнә керг-үүлдврмүдт дөң-тусан күргҗәнә. Эндр гемтә улст болн эднд дөңгән күргҗәдг эрүл-менд харлһна көдләчнрт оньг тусхагдҗана. Һаха сарин 28-д алс зәәһин эв-арһар әмтнә эрлһс орулҗ авлһна керг-үүлдврин йовудт бичкдүдин медицинск төвин ах эмч Манҗин Светлана эмнлһнә бүрдәцд саглуллһна тоотс кергтә гиҗ сурв. Тегәд эднә эрлһиг күцәһәд, эрүл-менд харлһна көдләчнрин төлә 10 миңһн бахил болн 6 миңһн медицинск хурһн беелә авч ирвидн. Дорас өсч йовх бичкдүдин эрүл-менд харлһнд церглҗәх улсиг дөңнҗ эднә төрмүдт орлцх кергтә гиҗ тоолнав. Энтн нанд ик дааврта болн чинртә керг болҗана, – гиҗ таңһчин Улсин Хуралд «Негдсн Әрәсә» партин салврин һардач Сергей Сухинин келв.
Бичкдүдин медицинск төвин ах эмч Манҗин Светлана бүрдәцин көдләчнрин нерн деерәс Сергей Александровичд ханлтан өргҗ, таңһчин зака үүдәгч органа депутатнр эднә төрмүд хаһллһнд орлцдгиг темдглв.

БАТАН Наталья
ЗУРГТ: Хальмг Таңһчин Улсин Хуралын (Парламентин) Ахлачин дарук бичкдүдин медицинск төвин ах эмч Манҗин Светланад саглуллһна кегдлмүд бәрүлҗ өгчәх кем

Видео