Әмтнә патьрмудт дулан болхмн

09-10-2021, 14:40 | Общество

Әрәсән регионмудт дуланар тетклһнә кем, һаха сарин 1-әс авн хулһн сарин 15 күртл, эн цагин болзгт эклнә. Эн кем кезә эклхинь муниципальн һардвр эврән шиидвр авна. Теңгрин аһарин кемҗәнлә ирлцүләд дула өглһнә өдр батлгдна. Тавн өдрин туршарт аһарин кемҗән 8 градусас дор унхла, муниципальн һардвр олн давхрта гермүдиг экләд дуланар теткхәр шииднә.

Эн җил Элст балһснд һаха сар эклсн цагас авн талдан җилмүдин намрла дүңцүлхлә, зөвәр киитн болҗана гих кергтә. Тиим учр деерәс Элстин муниципальн һардврин ахлач Дмитрий Трапезников хулһн сарин 8-әс экләд дулаһар теткх шиидвр батлв. «Энергосервис» АО-н бәрмт цааснла ирлцүлҗ хотл балһснд хулһн сарин 8-д өрүн нәәмн часла цуг котельнс көдлмшән эклв. Котельнст көдлдг мергҗлтнр өдр-сө уга күцәх көдлмштән орв.
ОЛЬДАН Цаһан

Видео