Эрмдгтә улсин төрмүд хәләгдв

12-10-2021, 13:45 | Общество

Шидр Хальмг Таңһчин Толһачин медлд үүлддг гемтә-шалтгта улсин төрмүдин хүүвин сүүр болв. Терүг таңһчин Толһачин администрацин һардачин дарук Манҗин Араш һардҗ давулв. Сүүрт таңһчин правительствин Ахлачин дарук Ивана Светлана, таңһчин социальн делгрлтин, күч-көлснә болн көдлмшәр тетклһнә министр Өлзәтин Марина, зәрм ведомствсин болн олна бүрдәцсин элчнр орлцв.
Сүүрт эрмдгтә улсиг гер-бүүр тосхх һазрин участкар тетклһнә, олна көлгн-күчнә туслмҗ күрглһнә, коррекционн сурһульд сурдг күүкд-көвүдин социальн болн күч-көлснә теткврин төрмүд хәләгдв.