Гериг цаглань тосххар

19-10-2021, 15:59 | Общество

Элст балһсна һардврин толһач Дмитрий Трапезников В.Хомутниковин нертә уульнцд тосхгдҗадг герт күцәгдҗәх көдлмшиг бүрткв. Энд хуучрад нурҗах гермүдт бәәдг улс шин бүүртә болхмн.

«ДЕЗ-ин» муниципальн бүрдәцин һардач Маташкан Владлена зәңглсәр, тосхлтын көдлмш батлгдсн диг-дарала ирлцәтәһәр күцәгдҗәнә. Объектд 5 шишлң кергсл олзлгдҗана, 65 күн бригадт көдлҗәнә. Удл уга «А» корпуст деерк давхр тосхлһна көдлмш төгсхмн, тиигхлә ораһинь экләд бүркхмн. Шин герт терзмүд углҗ тәвгдсн бәәнә, шам орулдг, сантехникүдин, шалдачнрин бригадмуд көдлҗәнә, дулаһар болн электрокүчәр тетклһн бүклдән күцәгдв. Дарунь патьр болһнд үүдд углҗ тәвхмн. «Б» корпуст түрүн давхрт терзмүд углҗ тәвгдв, эн өдрмүдт хойрдгч болн һурвдгч давхрмудын патьрмуд бас терзмүдтә болхмн. Газар тетклһнә цергллт һаза сетьмүд тосхҗана.
Хотл балһсна һардврин толһач көдлмш батлгдсн диг-дарала ирлцҗәхиг, тосхлтын материалмуд цаглань теткгдҗәхиг үнлв. «ЖилПромСтрой» ООО шин гер тосхҗана. Энд 3-ч микрорайона 5-ч, 6-ч микрорайона 53-ч болн 54-ч, Горькийин нертә уульнцин 8-ч тойгудта гермүдт бәәдг улс шин патьр авхмн.

Видео