Өртә бәәсән медв

19-10-2021, 16:07 | Общество

Хальмг Таңһчд үүлддг Әрәсән приставмудын Заллтын сайтд бәәдг өртә улсин туст бүтәгдсн кергүдин көрңгин нилчәр 50 миңһн шаху күн өртә бәәсән медв. Заллтын мергҗлтнр җилин йисн сарин то-дигәр тиим аш һарһв.

Таңһчин ах пристав Роман Мухортовин келсәр, тиим түргн кевәр авсн зәңг өртә улсин туст бүтәгдсн кергүдин тускар олн-әмтн тер дарунь гилтә меднә. Зәрмснь заагдсн хайгар бәәхш, тегәд поштар илгәгдсн бичгүдиг үзлго бәәнә.
Тегәд өртә улсин туст керг бүтәгдснә тускар зәңгләд, өрән ахр цагин болзгт даңцатн, гиҗ приставмудын Заллтын көдләчнр чаңһ неквр тәвнә.
Шаңһа туслң порталар, Заллтын әңгүдт бәәдг шишлң терминалар дамҗад болн кредитн бүрдәцст өрән даңцаҗ болхмн.

ОЛЬДАН Цаһан