Классин єардачнрин чинринь ґґдлўлхір

19-10-2021, 16:10 | Общество

Одахн Москвад классин єардачнрин Цугірісін форум кґдлмшін тґгсів. Энд орн-нутгин регионмудас 1 мињєн єар орлцач цуглрв. Цугтан кергтін дурта багшнр мґн.
Мана тањєчиг 4-ч классин єардач элчлв, тер тоод Ик Буурла района Орєахна дунд сурєулин эклц классин багш Цаган Николаевна Олюшева; Яшкулин Е.Хаглышеван нерті олн салврта гимназин орс келні болн утх-зокъялын багш Цаган Николаевна Хусеева; Сарпан района Обильное селіні сурєулин эклц классин багш Алла Юрьевна Колганова; Хар Єазра района Н.Манджиевин нерті Комсомольский селіні сурєулин эклц классин багш Эльза Николаевна Улашкеева мґн.
Эдн «тґгрг ширісин», олн зўсн тґрір болсн талвњгудын керг-ўўлдврт, кўўндврт шунмєаєар орлцв. Форумин ашар меморандум батлгдв, энд орн-нутгин сурєуль-эрдмин делгрлтин єоллгч зґрўллтс йилєљ авгдв. Тер мет форумд 50 мињєн єар багш онлайн таалд орлцв.
– Тиим туста болн ик керг-ўўлдврт орлцсндан, тенд кесг шин ўр-дўњгін авсндан би Цугірісін форумин бўрдієічнрт, тањєчин сурєуль-эрдмин болн номин министерствд, мини тґрскн сурєульд ханлтан ґргљінів. Бидн талдан регионмудын дамшлтла, сурємљин тґрір біідг ґдгі цагин тґсвлі таньлдвидн. Шин седвір маднд урмд ґгчіні, – гиљ Цаган Николаевна Хусеева тоолвран келв.
Бас Алла Юрьевна Колганова ханлтта бііхін медўлв. «Мана тањєчин болн мини тґрскн сурєулин дамшлтыг би тер ик хургт олнд соњсхљ медўлснь чинртід тоолљанав. Шунлтта болн кґдлмшін соньнар бўрдідг кесг багшнрла таньлдув. Классин єардачин керг йир чинрті, терўні делгрлтин кесг эв-арєиг медљ авув», – гиљ багш темдглв.
Форумд орлцсн эн багшнр тањєчин сурєуль-эрдмин болн номин министерствлі, багшнрин мергљлт ґґдлўлдг КРИПКРО-ла хамдан классин єардачнрин тањєчин тўрўн форум бўрдієічнр болхмн, тер ик керг-ўўлдвр ўкр сард бўрдігдх.
“Класс єардлєн – энтн педагогин ўўлдврин онц янзнь болљана. Сурєульч болєна насна онц тоотынь, сурєуль-эрдмин неквринь, тўўні эрўл-мендин біідлинь, ґрк-бўлин таалынь классин єардач оньгтан авх зґвті.
Талдан халхас сурєульч болєн ґрк-бўлин болн сурєуль-эрдмин бўрдіцин ўлмід бііні, тегід классин єардач сурєульчин болн ниигмин туст дааврта. Сурєульчин цуг сін тоотынь, билгинь илдклєнд дґњ болх сурємљин кґдлмшиг классин єардач дигті-даратаєар бўрдіх зґвті», – гиљ Ірісін сурєуль-эрдмин министерствин Департаментин єардачин дарук Юлия Костыряченко ашлвр кев.
“Эн љил Ірісін арвн пилотн регионд дашлтын тоод сурємљин кґдлмшір біідг селвгч кґдлх. Бичкн болн бґдўн кўўні хоорндк хірлціг батруллєнд селвгч ик нилчін кўргх, тиим кевір зака эвдгч эс гиљ нань чигн му йовдлыг урдаснь медљ авлєнд болн ууруллєнд дґњ болхнь лавта. Селвгчин дґњгір хґвті бичкдўд ґсклєні ўўлдвриг дигті-даратаєар бўрдіљ болхмн», – гиљ тоолврарн Ірісін Орн-нутгин Хўўвин депутат Ольга Казакова хувалцв.

Форумд кґдлљісн кесг талвњд классин єардачнр сурємљин туста олн тґрір кўўндвр кев, тегід кесг региона элчнр энд таньлдљ чадв. Тер мет энд иргчдін кўціх кґдлмшин тґлі кесг материал цуглулљ авв. Талдан классин єардачнрла эдн социальн сўлљінд залєана кесг эв-арєар сольлцв. Тиигљ эдн иньгллтин бат ул тівсмн. Эвріннь классин тґлі ямаран регионд ямаран туста дамшлт бііхинь эдн бас медні, шин ўўрмўдлі залєлда бірні.

ЄУНАН Бадм