Кизляр-Астрахань: героический подвиг наших земляков

17-09-2022, 11:18 | Общество, История

15 сентября – начало эксплуатации железнодорожного участка Кизляр-Астрахань, утвержденный в Республике Калмыкия как День памяти героического подвига жителей республики в годы Великой Отечественной войны. 14 сентября прошел торжественный митинг, посвященный 80-летию открытия железнодорожного пути Астрахань- Кизляр.

В праздновании этой памятной даты приняли участие: руководство Черноземельского района и Артезианского СМО, представители Правительства республики, Северо-Кавказского филиала ОАО «РЖД», жители п.п. Артезиан Черноземельского района, Улан Хол Лаганского района, юнармейцы, а главное – герои, труженики тыла, благодаря которым эта железная дорога стала реальностью. Сам митинг посвящен чествованию наших ветеранов, которые в трудные годы войны отдали свои силы на постройку стратегически важной железной дороги, невзирая на возраст и пол.

Митинг проходил в двух памятных местах: в п. п. Артезиан и Улан-Хол. Заместитель начальника СВЖД Захар Абдурахманович Адамов и заместитель начальника СВЖД Сергей Александрович Дмитриев побывали на станциях Артезиан и Улан Хол, поздравили всех жителей республики, а также вручили Благодарственные грамоты и подарки ветеранам и их представителям в лице родственников. Событием, запомнившемся всем участникам митинга, стали поездка на ретро-поезде по участку железнодорожной линии и концертная программа.
***
Ончта өөнд нерәдсн ик керг-үүлдвр һаха сарин 15-д Элстд болн Хар һазра района Артезиан селәнд болв. 80 җил хооран мет Элстин төмр хаалһин станцин бәәшң тал дәәнә цагт олнд темдгтә маршал Конев дәәлдәнә һазрар йовдг поезд ирв. Энүг Әәдрхн-Кизләр төмр хаалһиг дәәнә күнд-күчр цагла эдлврт орулсн ветеранмуд, Элстин бәәрн әмтн, сурһульчнр тосв.

Митингиг нүр үгәр Хальмг Таңһчин Толһач Хаска Бату эклв. 80 җил хооран мана өвкнр Кизләр - Әәдрхн төмр хаалһиг дәәнә цагин амр биш таалд тохсмн, би тер йовдлар бахмҗ кеҗәнәв. Күнд-күчр көдлмшәс, кесг зун күн өлн-яду таалас, күнд көдлмшәс көлтә сәәһән хәәв, теднә һарһсн баатр йовдл мөңкинд мана санлд үлдх, теднә болн эндр өдр күртл әмд үлдсн ветеранмудын күцәсн аһу ик чинртә үүлдвр Сталинградын дәәлдәнд диилвр бәрлһнд ик нилчән күргв, теднә күцәсн аһу ик кергинь бидн кезә чигн мартшговидн, теднә баатр йовдлынь бидн мөңкрүлх зөвтәвидн. Далн долан җил хооран мана өвкнр фашизмин күчиг 1945 җилин майин 9-д уга келә, ода Украинд болҗах цергә керг-үүлдврт чигн бидн эрк биш диилвр бәрхвидн, гиҗ Бату Сергеевич темдглв.

Эндр өдр Ар-үзгин Кавказин болн бүклдән Әрәсән төмр хаалһин РЖД компаньла мана таңһч нөкцлтин ик көдлмш күцәҗәнә, ода Элстәс Анапа балһсн тал поезд йовна, талдан чигн төсв күцәгдх. Ар үзгин Кавказин төмр хаалһин предприятин нилчәр эндр өдр Элстүр дәәнә цагин поезд ирв, тер нөкцлтән бидн цааранднь чигн өргҗүләд бәәхвидн гиҗ таңһчин Толһач ашлв.

Цааранднь Ар үзгин Кавказин төмр хаалһин һардачин дарук Дмитрий Лукьяненко үг авч, таңһчин олн әмтиг, ветеранмудыг йөрәв. Хальмг Таңһчин олн улсин цуцрлтан уга күч-көлснә ашт Кизләр- Әәдрхн хаалһин ик зунь дәәнә күнд таалд тосхгдла, эндр бидн теднә баатр йовдлын 80 җилин ончта өөниг темдглҗәнәвидн.
Йисн сарин эргцд амр биш таалд орн-нутгин һардвр өгсн даалһвриг эгл улс, арвтнр, күүкд улс, көгшд күцәв. Сталинградын дәәлдәнә һазр тал бензин, цергә техник болн нань чигн тоот йовулгдв. Эндр өдр чигн хаалһ көдлҗәнә, энүгәр кесг ацан зөөгднә, гиҗ күндтә гиич темдглв.

Цааранднь Дмитрий Владимирович Кизләр - Әәдрхн хаалһ тосхачнр-ветеранмудт белгинь бәрүлҗ өгв. Ветеранмуд болн эднә элгн-саднь ханлтан өргҗ ах үүрмүдән тодлҗ теднә туск санл мөңкрәд йовтха гиҗ йөрәв.

Элстин сурһульчнр, колледжмүдин оютнр маршал Коневин поездин вагодыг хәләв, Төрскән харсгч Алдр дәәнд Диилвр бәрсн салдсмудын болн тылын көдләчнрин үзүлсн баатр йовдл кезә чигн мартгдшго гиҗ эдн келв.

Митингин йовудт концерт болв. Энүнд орлцсн олнд темдгтә дууч Эдуард Бурлаков бас эврәннь өрк-бүлин тууҗан келҗ өгв. Дуучин экнь арвн зурһата күүкн бәәсн
бийнь бас төмр хаалһ тосхлһнд орлцла. Урднь тосхлтд көдлҗәсн эгчнь көдлмшин күнд-күчр таалас, өлн-яду бәәдләс, гем-шалтгас көлтә өңгрлә. Өрк-бүл болһн нег күүг хаалһин объектд йовулх зөвтә бәәсмн, тиигҗ эднә герт ирсн НКВД-н көдләчнр бас некчәлә. Тиигәд арвт күүкн эгчиннь ормд йовв.
- Цутхлң Әрәсә тал нефть зөөдг хаалһ үлдсн уга Ростовин болн Тихорецкая станцсиг фашистнр эзләд авчкла, тегәд Кизләр – Әәдрхн хаалһ бачм кевәр тосхгдв. Хальмг олн улсин баатр йовдл дәәнә йовудыг түргдүлхд, Диилвр бәрлһнд ик нилчән күргв гиҗ тууҗин номин доктор Уташ Очиров келв.

Амуланга РЕМИШЕВСКАЯ,
ҖААХАН Бадм

Видео