Медицинск дацңгин оютнрла харһв

27-04-2023, 10:00 | Общество


Урдк намрар Б.Б.Городовиковин нертə Хальмг ик сурһульд медицинск дацң секгдв. Һаха сарин 1-д таңһчин Толһач Хаска Бату түрүн оютнрлань харһҗ йөрəсн билə.

Шидр Бату Сергеевич Əрəсəн Орн-нутгин Хүүвин депутат Башанкан Бадмла вузин һардврла болн медицинск дацңгин оютнрла дəкн харһв. Оютнр үвлин шүүврəн яһҗ өгснə тускар хувалцв.
Курсин һардач Мацга Николь шүүврəн йилһəн сəəнəр өгв, күндтə гиичнрлə күцəмҗин тускар күүндв. Таңһчин Толһач Хаска Бату цуг оютнрт күцəмҗ болн цаһан хаалһ дурдв.
Б.Б.Городовиковин күсл күцəгдв. Медицинск дацң секлһнд нилчəн күргсн улст ханлтан өргҗəнəв, гиҗ таңһчин Толһач Хаска Бату темдглв.

ОЛЬДАН Цаһан

Видео