Əмтнə төрмүдт оньган тусхаҗ

22-04-2023, 09:10 | Общество


Əрəсəн Президент Владимир Путин муниципальн йосна органмуд болн иргнмүдин хоорнд бəəдг залһлданд оньган өгв.

Эн туст орн-нутгин субъект болһнд регионар залдг төвмүд көдлнə. Хальмг Таңһчд хойр җилин туршарт ямта болн бəəрн улсин хоорнд ЦУР сəн залһлда бəрхд туслв. Бəəрн улсас ирдг зəрм сурврмудт тер дарунь гилтə хəрү өггднə,талдан сурврмуд болхла кесгтəн хəлəгдəд бас хаһлгдна. Орн-нутгин Президент эн дамшлтыг муниципальн девсңд олзлхин туст даалһвр өгв.
Орсн сурвр болһнднь оньган өгх кергтə, нег һазра мана улс эн эв-арһиг өргнəр олзлҗ йовх, гиҗ таңһчин Толһач Хаска Бату онц темдглв.

ОЛЬДАН Цаһан

Видео