Ноһан Дəркин тууҗ

22-04-2023, 09:22 | Общество


Ноһан Дəркин туск документальн кинофильм «Культура» телеканалд мөрн сарин 22-т үзүлгдхмн.

«Калмыки. Линия горизонта» гидг телефильм белдҗ үзүлсн баг Ноһан Дəркəр соньмссна тускар газетдəн бичлəвидн. Элстүр Сарпуль балһсар дамҗад ирҗ йовсн седкүлчнр тенд музей-заповедникд одад, хальмгудын əрүн бурхиг үзəд, терүнə соньн тууҗла таньлдсн бəəҗ. Эннь теднд икəр тодлгдсна тускар тер багиг толһалҗ ирсн седкүлч Анна Коряковцева келҗ өглə.
Ода фильм белн болв, «Культура» телеканалд үзүлгдхмн. «Спасительница. Тайна буддийской иконы» гисн нертəһəр фильм телеэкранд һарчана. Хальмг улсин җирһлд əмрүлгч ик чинр зүүдг бурхна нуувчин тускар энүнд келгдҗəнə. Эн бурхн һучдгч җилмүдт генткн уга болҗ одсмн. Торһн эд деер хатхмр зег һарһҗ уйгдсн шүтəнə тууҗ ямаран бəəсинь фильмəс медҗ болхмн. Дөчдгч җилмүдин чилгчəр бурхн акад юмн генткн олдсн бəəҗ. Келхəс, эн фильм келн-улсин төрмүдəр үүлддг федеральн Агентствин дөңгəр цокч авгдсмн.
Ноһан Дəркин туск фильмиг мөрн сарин 22-т 9 час 45 минутла үзүлхмн.

ҖИРҺЛИН Кермн

Видео