Кандидатнр эрлһән орулв

06-05-2023, 09:10 | Общество

Эн намрар мана орн-нутгт 54 субъектд суңһврин негдсн өдр болхмн. Мана таңһчд эн өдр Хальмг Таңһчин Улсин Хуралын (Парламентин) депутатнриг суңһҗ авхмн. Эн ик дааврта керг-үүлдвр угтҗ «Негдсн Әрәсә» партин седвәрәр урдаснь дууһан өглһнә керг эклсн билә, терүнә йовудт мөрн сарин 27 күртл әмтн эрлһән орулв. Урдаснь дууһан өглһн хөн сарин 22-ас авн 28 күртл болхмн.

«Негдсн Әрәсә» партин Хальмг Таңһчар үүлддг региональн әңгин барин цергллтин зәңглсәр, ут тоодан 211 күн урдаснь дууһан өглһнә керг-үүлдврт орлцх шиидврән медүләд, эрлһән орулв. Ода кандидатнр хөн сарин 21 күртл суңһачнрла харһҗ, эврәннь көтлврин тускар цәәлһҗ өгх зөвтә.
Элст балһсна Хургин депутат Цекрә Зултан келсәр, парть өдгә цага некврлә ирлцҗ үүлдхәр шунна, әмтнә неквр күцәхин төлә көдлмшән шунмһадулҗ ясрулҗана. Депутатнр болҗ үүлдҗәдг дамшлтта улсла зерглҗ баһчуд суңһврин кергт шунмһаһар орлцҗахнь темдгтә. «ПолитСтарт» гидг төсв седвәртә баһчудт дамшлт хоршаҗ суңһврт белдхд дөң болна гиҗ депутат темдглв.

Мана зәңгч

Видео