Диилврин диктант

06-05-2023, 09:40 | Общество


Одахн Әрәсән цуг регионмудар, талдан орн-нутгудар болн диктант.победы.рф сайтд «Диилврин диктант» нертә акц давв. Нарт-делкән эн акц 2019-ч җиләс авн давулгдна.

2022-ч җилд Әрәсән 85 регионд болн 45 орн-нутгт бүрдәгдсн 19 миңһн талвңд 1,6 сай һар күн орлцсн билә. Җил ирвәс акцд орлцачнрин тонь өсәд йовна, гиҗ темдглх кергтә. Эн җил болхла «Диилврин диктант» гидг акц 20 миңһн һар талвңд бүрдәгдв. Элст балһснд болн таңһчин райодт 43 талвңд олн-әмтн акцд орлцв.
Эн акцд олн-әмтн орлцтха гиһәд цуг таал тогтагдв. Күн болһн «Диилврин диктант» акцд орлцад, мана орн-нутгин тууҗин болн өвкнрин туурмҗин тускар медрлән гүүдүлҗ чадв. Тер мет акц бүрдәлһнд волонтермуд нөкд болв.
«Диилврин диктант» акциг «Негдсн Әрәсә» парть, Әрәсән тууҗлгч ниицән, Әрәсән цергә-тууҗлгч ниицән Росгвардин, МВД-н, МЧС-ин болн Әрәсән Харслтын министерствин дөңгәр бүрдәв.
Акцд ик-бичкн уга орлцв. Диилврин диктант 25 сурврас тогтв, дөчн тавн минутын туршарт хәрү өгх кергтә болв.

ОЛЬДАН Цаһан
Зургт: А.М.Амр-Санана нертә Келн-улсин дегтрин саңд Диилврин диктант бичҗәх кем

Видео