Осетинск зурачнрин һәәхүл

06-05-2023, 10:15 | Общество


Ар үзгин Осетия – Алания Республикин зурачнрин һәәхүл Элстд «Арт Эрдэни» галерейд секгдв. Эн саамд осетинск зурачнр «Прикосновения» гиҗ нерәдгдсн һәәхүл Хальмгин хәләһәчнрин оньгт тусхаҗана.

Хамгин түрүнд эн һәәхүлд нертә осетинск зурачнрин үүдәврмүд әмтнә оньг авлна. Эннь Ар үзгин Осетин – Алания Республикин ачта зурач Владимир Айларов үүдәврмүдән үзүлҗәнә. Әрәсән ачта зурач Людмила Байцаева эмаль олзлҗ кесн тоот әмтнә нүд авлна. Зурачнр чигн эмальд кесн эн үүдәврмүдин өөр кесгтән зогсснь үзгдв. Тедү дүңгә билгин чинринь соньн болсн деерән өөдән эрдмтәһәр күцәгдснь ил медгднә. Эвин бәәдл, дурн, күүкд улсин дүрмүд, йиртмҗин бәәдл осетинск зурачнрин үүдәврмүдт орман олсинь олн хәләһәчнр үзв.
Хоша бәәдг зурачнрин һәәхүллә таньлдхар олн күн, кесг оютнр, сурһульчнр ирҗәнә. Соньн эн һәәхүл хөн сарин чилгч күртл көдлхмн.

ҖИРҺЛИН Кермн

Видео