Ончрсн росгвардейцнриг ачлв

13-05-2023, 09:00 | Общество

Шидр Хальмг Таңһчин Толһач Хаска Батун болн федеральн инспектор Александр Беляевин орлцлһтаһар таңһчин Росгвардин цергчнрт ачлврмуд бәрүлҗ өгв.

Әрәсән Президент Владимир Путинә Зәрлгәс иштә «Төрскндән ач-тус күргсн» I болн II девсңгүдин орденә медальмүдәр, тер мет «Залу-зөргин», «Харуллһна диг-даранд ончрсн» болн «Суворовин нертә» медальмүдәр таңһчин Росгвардин арвн дөрвн элч ачлгдв.
Хальмг Таңһчар үүлддг Әрәсән Росгвардин Заллтын һардач, полицин полковник Нарн Настинов ачлгдсн цергчнриг йөрәҗ, әмән әрвллго Төрскнәннь төлә түрүн зергләнд йовҗ ончрсинь темдглв.
Тадн цугтан дааврта улс, зөргтә цергчнр, нег һазра улсин төлә эрк биш омг болҗ йовнат, гиҗ таңһчин Толһач Хаска Бату өөдән чинртә темдгүдәр ачлгдсн росгвардейцнриг йөрәв.

ОЛЬДАН Цаһан

Видео