Зуульчллһиг делгрүлхәр

16-05-2023, 09:00 | Общество


Шидр Хальмг Таңһчин Толһач Хаска Бату Пятигорск балһснд «Маевка. Больше, чем путешествие» нертә зуульчллһна түрүн керг-үүлдврт орлцв. Тиигәрән орн-нутгин регионмудас дамшлтта болн эн халхар түрүн ишкдлән кеҗәх элчнр ирв.

Темдглхд, керг-үүлдврт орлцхар Әрәсән Президентин Һардврин һардачин негдгч дарук Сергей Кириенко ирсн билә. Регионмудын элчнр йовһн зуульчллһна халхар үүдәсн төсвсән харсв.
«Әрәсә – олн эв-арһта орн-нутг» федеральн төсвин йовудт давулгдсн «Мастера гостеприимства» Цугәрәсән марһана дииләч Александр Базыровла хамдан мана таңһчд зуульчллһн яһҗ делгрҗәхинь келҗ өгвидн. Йовһн зуульчллһна йовудт сәәхн, һәәхмҗтә һазр үзҗ, тер мет йиртмҗиг әрүнәр хадһлдг эв-арһ учрна, гиҗ Хаска Бату темдглв.
Дорас өсч йовдг үйнрт төрскн һазр-усна тууҗиг медүлҗ, йиртмҗин зөөриг хадһлҗ өскх зөвтәвидн. Зуульчллһна халхар мергҗлтнриг белдҗ, эн көдлмшт олар орлцулхар зүткҗәнәвидн, гиҗ Бату Сергеевич ашлҗ келв.

ОЛЬДАН Цаһан

Видео