Триколорин эфирт – «Я – Будда»

16-05-2023, 09:50 | Общество


Борис Манджиев болн Виктор Хаптаханов белдҗ тәвсн «Я – Будда» гидг наадыг ода кен эс меднә. Наадн кесг фестивальд үзүлгдҗ, олн ачлврмуд авч, театрт дурта әмтнә дуринь суңһсмн.

Өргн тааслт олсн наадн ода орн-нутгин олн улст үзүлгдхмн. Юнгад гихлә, эн наадн спутникәр үзүллһнә янзар олна оньгт тусхагдх арвн наадна тоод орв. Триколор гидг онлайн кинотеатрин дөңгәр «Я – Будда» наадыг кесг сай хәләһәчнр хәләх арһта болв.
Триколор компань сойлын седвәрин Президентск грантын дөңгәр, Александринск театрин болн «Национальные приоритеты» АНО-н орлцлһтаһар ик кемҗәтә төсв экләд күцәҗәнә. Тернь – «Театральный абонемент. Акт 1. Национальные театры» гиҗ нерәдгдҗәнә. Эн төсвин дөңгәр мана ик орн-нутгин саяд әмтн Әрәсән келн-улсин театрмудын нааддыг хәләҗ чадҗана.
Санкт-Петербургин, Псковин, Уфан, Элстин, Йошкар-Олан, Улан-Уден, Петрозаводскин, Казаня, Якутскин болн Грознын театрмуд эн төсвд орлцҗана.

ҖИРҺЛИН Кермн

Видео