Баатрин нерн мөңкрүлгдв

18-05-2023, 09:00 | Общество


Лагань балһснд олн патьрта нег герин эрс деер «Граффити.Защитник» акцин йовудт Хальмгин хәәртә үрн, Әрәсән Баатр Лиҗин Мингияна зург зурв.

Әрәсән Баатрин өөр юнармеец Очра Рената зурата. Эн күүкн Цугәрәсән марһаст болн олимпиадмудт орлцна, терүнәс нань журналистикәр соньмсҗ, сурһулин газетд статьясан барлна, «Дольган» ансамбльд орлцач болна.
Ямаран чигн келн-улс төрскн һазр-уснаннь тууҗан, сойлан дорас өсч йовх үйнрт медүлх зөвтә. Өвкнрин, нег һазра улсин туурмҗиг бидн мартх зөв угавидн. Лиҗин Мингияна болн талдан нег һазра цергчнрин туск санлынь мөңкинд хадһлад йовхвидн, гиҗ таңһчин Толһач Хаска Бату темдглв.

ОЛЬДАН Цаһан

Видео