Коррупциг уурулхин төлә

20-05-2023, 09:00 | Общество


Хальмг Таңһчин Толһач Хаска Батун һардврт коррупциг уурулхин туст селвлцән болв.

Селвлцәнә эклцәр Әрәсән Өмн үзгин федеральн округд финансин шинҗллтәр үүлддг Федеральн цергллтин регионмуд хоорндк заллтын һардач Максим Ходоровский болн Хальмг Таңһчин Толһач Хаска Бату Зөвшәлһнә бәрмт цааснд һаран тәвв.
Мана таңһчин Залвр болн финансин шинҗллтәр үүлддг федеральн цергллт келн-улсин болн федеральн төсвсин йовудт шаңһас мөңгнә мөрә авчадг улсин туск зәңгәр хувалцҗ, тедниг бүрткҗ шинҗлхмн.
Тер мет коррупциг уурулхин туст 2022-ч жилд күцәгдсн көдлмшин ашнь диглгдв.
Хальмг Таңһчин күцәгч органмудын кадрмудын цергллтин көдләчнрин дамшлтынь өөдлүлх кергтә, гиҗ темдглгдв.
Селвлцәнә ашар йосна органмудын мергҗлтнрт болн бәәрн һазрт йос заллһна органмудын көдләчнрт коррупциг уурулхин туст шишлң даалһвр болн селвг өггдв.

ОЛЬДАН Цаһан

Видео