Селән һазрт сән таал тогтахар

27-05-2023, 09:00 | Общество

Хальмг Таңһчд АПК-н халх делгрлт авчахас иштә селән һазрт сән таал тогтах кергтә болна. Көдлмшч шин ормс бүрдәҗ, социальн бүрдәцс тосхҗ, цуг таал тогтагдна.
Шидр Әрәсән Президент Владимир Путинә приемнд ирсн иргнмүдлә харһлтд орлцсн биләв, гиҗ таңһчин Толһач Хаска Бату келв.
Октябрьск района Цаһан Нур поселкас ирсн Бован Байр нәәмәдлһнә бооцана йовудт тенд гермүд тосхлһнд тусан күргхиг сурв.
Харһлтын ашар «ТимАгро» селәнә эдлахун кооперативин көдләчнрин төлә дөрвн гер тосххар шиидвидн. Эн туст федеральн, региональн, муниципальн бюджетмүдәс болн бюджетин биш мөңгн һарһгдхмн. 2023-ч җилд эн объектсиг эдлврт орулхар зуралҗанавидн, гиҗ Бату Сергеевич иткүлв.
Тер мет Ик Царңд сән таал тогталһна төрәр Шоволдан Надежда келв. Эн җилд поселкин Карл Марксин нертә уульнцд хату девскртә йовһн хаалһ тосхгдхмн. Терүнәс нань тенд болн Заканальная уульнцд панр углҗ тәвгдхмн. Эн төр «Селәнә эргндк һазрин комплексн делгрлт» шаңһа көтлврин йовудт хаһлгдхмн.
Төрскн һазр-усндан сән таал тогтахар шунҗадг Байр Владимировнад болн Надежда Вячеславовнад ханлтан күргҗәнәв. Эн төрмүдиг эврән бүрткнәв. Федеральн һардврла хамдан таңһчин селәдт нег һазра улсин төлә бәәдл-җирһлин таал цааранднь ясрулхар зүткҗәнәвидн, гиҗ Хаска Бату темдглв.

ОЛЬДАН Цаһан

Видео