Сурһмҗлачнрт ханлтан өргв

27-05-2023, 09:05 | Общество

Эн өдрмүдт бичкдүдин садмудт төгсәһәчнрин байр болҗана. Ума күүкм 29-ч тойгта «Иньгллт» нертә бичкдүдин садыг төгсәв, гиҗ таңһчин Толһач Хаска Бату келв.

Өдгә цагт мана таңһчд бичкдүдин садмудт онц оньг тусхагдҗана. Чеерүдиг уурулхин төлә таңһчд шин садмуд тосхгдв,кесгтнь ясвр кегдв. Цааранднь эн бүрдәцсиг дөңнәд бәәхвидн, гиҗ Бату Сергеевич медүлв.
Мана көвүд-күүкдт чик сурһмҗ, медрл өгсн багшнрт болн сурһмҗлачнрт ханлтан өргҗәнәв!
Бичкдүдин сад «Иньгллт» нер зүүҗәснь темдгтә, тер юнгад гихлә мел энд мана үрд түрүн иньгүдтәһән харһв. Намртан Ума күүкм дунд сурһульд орад, җирһлднь дәкәд нег ончта, соньн цаг эклхмн. Хаалһнь цаһан болтха! – гиҗ Бату Сергеевич дурдв.

ОЛЬДАН Цаһан

Видео