Нарт-делкән һәәхүлд орлцхмн

27-05-2023, 09:10 | ---

2023-2024-ч җилмүдт Әрәсән Президент Владимир Путинә даалһсар Москва балһснд «Әрәсә» нартделкән һәәхүл-хургт Хальмг Таңһч бас орлцхмн. Тенд орн-нутгин экономическ күцәмҗ үзүлгдхмн.

Мана таңһч олн халхар нүүрлгч көдлмшән үзүлсн деерән терүнәс нань шинәс делгрүлгдҗәдг көдлмшән бас үзүлхмн. Тернь көлгнә тосхлтын,нефтин, газин делгрлтин халх болн нань чигн тоот мөн.
Һәәхүлин йовудт Хальмг Таңһч экономикин, селәнә эдл-ахун, сурһуль-эрдмин, спортын, зуульчллһна, то-дигин делгрлтин, йиртмҗ харлһна болн номин халхсар күцәмҗән үзүлхмн. Сойлын-тууҗин зуульчллһна тускар келҗ, региона өвәрцинь цәәлһҗ өгхвидн, гиҗ таңһчин Толһач Хаска Бату зәңглв.

ОЛЬДАН Цаһан

Видео