Күч-көлс харлһна халхар ончрв

27-05-2023, 09:25 | Общество

Хальмг Таңһчин залврин Ахлачин дарук – таңһчин социальн делгрлтин, күч-көлснә болн көдлмшәр тетклһнә министр Өлзәтин Марина күч-көлс харлһна болн промышленн әәмшг уга бәәлһнә таңһчин комиссин сүүрин йовудт «Күч-көлс харлһна сән гисн мергҗлт» гидг марһана дииләчнрт ачлвр бәрүлҗ өгв.

Эн җил марһанд Хальмг Таңһчд үүлддг бүрдәцсин күч-көлс харлһна долан мергҗлт орлцад, көдләчнртән көдлмшин сән таал тогталһна, әәмшгтә бәәдләс саглуллһна халхд кеҗ-күцәҗәх көдлмшиннь тускар хувалцв. Марһана ашар «Психоневрологическ диспансер» гидг таңһчин бүрдәцин мергҗлт Очра Владимир диилвр бәрв. Лаганя района «Нарн» нерәдлһтә бичкдүдин садт күч-көлс харлһна халхар даавр күцәдг Болдра Виктория болн Хальмг Таңһчар үүлддг Әрәсән МЧС-ин заллтын элч Бельтән Заяна марһана призермуд болв. Эднд диплом болн үнтә белг бәрүлҗ өггдв.

ДАВАН Наталья
ЗУРГТ: таңһчин вице-премьер – таңһчин социальн делгрлтин министр Өлзәтин Марина «Күчкөлс харлһна сән гисн мергҗлт» гидг марһана дииләчнрлә

Видео