Сурһулин бәәрн шинрүлгдҗәнә

01-06-2023, 09:30 | Общество

Хальмг Таңһчин залврин Ахлачин негдгч дарук–таңһчин финансин министр Шурһчин Очр көдлмшин кергәр Яшкулин районд одв. Тенд вице-премьер района муниципальн бүрдәцин толһач Эдгән Борала хамдан Яшкулин олн мергжлтә гимназьд одад, ясврин көдлмшин йовудыг бүрткв.

«ИнтерСтрой» тосхлтын бүрдәцин элч Нимгрә Евгений ясврин йовудт ямаран көдлмш күцәгдснә тускар келҗ өгв. Ода объектд һоллгч корпуст ораһинь сольҗана, дулаһар тетклһнә болн усна турвас углҗ тәвгдҗәнә, гер дотр эрсмүднь шинрүлгдҗәнә.
Гимназь батлгдсн болзгт эдлврт орулгдх, ясврин көдлмш сән чинртәһәр күцәгдх зөвтә. Эннь һоллгч неквр болҗана, гиҗ вице-премьер келв.

БАТАН Наталья

Видео