Кесг күн цусан өгв

01-06-2023, 10:15 | Общество

Цус гүүлгдг таңһчин төвин мобильн станц эн җилин түрүн өрәлд райодар һарч йовад, эмнлһсин төлә цусна көрң хоршаҗ батлв. Тиигәд, эдн 12 районд одв, күсдундур миңһн күн эврә сән дурар цусан өгв.

Шидр мобильн төв Яшалтан болн Городовиковск райодт одад ирв. Тенд 237 бәәрн күн гемтә болн шав авсн улсин төлә дөңгән күргв. Темдглхәс, район болһнд эмнлһсин көдләчнр болн РМО-н толһачнр эн кергт шунмһаһар орлцҗ, нег һазра улст үлгүр болна. Яшалтан района эмнлһнә бичкдүдин эмч Харцхан Артур түрүн зергләнд цусан өгв. Артур Бадмаевич оютн цагтан экләд иим әрүн чинртә кергт орлцдг болсмн, ода деерән эн 70 дәкҗ цусан өгсмн, Әрәсән ачта донорин өөдән нер зүүнә.
Цус гүүлгдг төвин ах эмч Уташа Санҗин келсәр, зуни сармудт мобильн станц райодар һарч йовшго. Болв Элст балһснд станц үүлдврән урдк кевәрн күцәхмн, тегәд цусан өгх саната улс ирҗ чадҗана. Эн долан хонгт таңһчин дотр-дундын кергүдин көдләчнр цусан өгхәр зуралҗана. Мөчн сарин 14-д донорин нарт-делкән Өдрт нерәдгдсн керг-үүлдврин йовудт әмтн бас цусан өгхин төлә таал тогтагдх. Авъяст тохрсар ачта донормудын ачтус темдглҗ, эднә төлә харһлтс бүрдәгдхмн, гиҗ цус гүүлгдг төвин барин цергллт зәңглв.

Мана зәңгч