Ясврин көдлмш бүрткв

03-06-2023, 09:50 | Общество

Хальмг Таңһчин Улсин Хуралын (Парламентин) депутатнр сурһуль-эрдмин бүрдәцст бат ясвр күцәлһнә йовудыг оньгтан бәрҗ, дару-дарунь бүрткнә. Таңһчин Хуралд «Негдсн Әрәсә» партин фракцин гешүд одахн дунд сурһульмудт одад, ясврин көдлмш энд зуралсн диг-дараһар күцәгдәд, цагболзглаһан ирлцҗәх угаһинь бүрткв.

Депутатнр Ольга Сердюкова Элст балһсна 21-ч тойгта дунд сурһульд, Хаалһин Очр Элстин олн халхин гимназьд, Саңһҗин Лаг Е.Хаглышеван нертә Яшкулин олн халхин гимназьд одв. Эдн темдглсәр, ясврин көдлмш батлгдсн төсвлә болн тосхлтын некврлә ирлцәтәһәр күцәгдҗәнә. Тосхлтын цуг кергсләр цаглань теткнә, тегәд сурһульчнр һаха сарин 1-д шинрүлгдсн сурһульдан эрк биш орхмн.
Эн җил «Негдсн Әрәсә» партин олн-әмтнә көтлврин медлд мана таңһчд ут тоодан 24 сурһулин гер ясгдҗана, теднәс 17-нь селән һазрт бәәнә. Сурһуль-эрдмин бүрдәцсин бәәрн шинрүлгдҗ бат кевәр ясгдсн деерән сурһулин болн хот болһдг хораст өдгә цага кергсл углҗ тәвгдхмн.

БАТАН Сәәхлә

Видео