Белагро-2023

08-06-2023, 09:05 | Общество


Белоруссин Минск балһснд «Белагро-2023» нарт-делкән селәнә эдл-ахун XXXIII шишлң һәәхүл секгдв. Керг-үүлдврт Белоруссин селәнә эдл-ахун мергҗлтнр, көдләчнр бәәтхә, нарт-делкән арвн орн-нутгин 450 компаня элчнр бас орлцҗана. Темдглхд, керг-үүлдврт орлцхар Әрәсән арвн дөрвн региона элчнр бас тиигәрән одсмн.
Һәәхүлин йовудт өдгә цагин некврлә ирлцҗәдг селәнә эдл-ахун техник үзүлгдхмн. Җил болһн «Белагро» селәнә эдл-ахун шин техник үзүллһнә һол талвңгнь болна. Тенд селәнә эдл-ахун өдгә цагин хойр зун һар шин көлгн үзүлгдхмн, тер мет ирлцңгү конференцс, семинармуд, презентацс, яарм болн сойлын коллективсин концерт болхмн.
Терүнәс нань һәәхүлин йовудт кесг орн-нутгудла селәнә эдл-ахун техник хулдҗ авлһна халхар нөкцлтин бооцас батлгдхмн, гиҗ зуралгдҗана.
Хальмг Таңһчин селәнә эдл-ахун министерствин элчнр «Белагро-2023» нарт-делкән һәәхүлд бас орлцҗана. Энүнә тускар тодрхаһар даруһас зәңглхвидн.

КАРСАНА Евгения

Видео