Селвлцәнд орлцв

10-06-2023, 09:20 | Общество

2023-ч җилд таңһчин эдл-ахуст намрин буудян болн тосна урһц 245 миңһн гектар, хаврин урһц болхла 40 миңһн гектар һазрт тәргдв. Ут тоодан 300 миңһн гектар һазрт тәрәнә көдлмш күцәгдв, тер тоод цаһан буудян тәрән 241 миңһн гектар һазр эзлв.

Хаврин цагт хур орад, терүнәс нань агротехническ керг-үүлдврмүд цагтнь күцәгдәд, эн җилд урдк җиллә әдләр буудян элвг урһц хурахар зуралгдҗана.
Өдгә цагт таңһчин селәнә эдл-ахун көдләчнр цуг керглгдҗәдг тоотар зун процентд теткгдв, урһц хуралһна көдлмшт 800 һар комбайн орхмн.
Энүнә тускар урҗ өдр Ростовск мүҗин Экспериментальный поселкд болсн селвлцәнд Хальмг Таңһчин селәнә эдл-ахун министрин үүлиг цаг зуур дааҗадг Тимур Гаваев келв. Әрәсән селәнә эдл-ахун министрин дарук Андрей Разинә һардврт эн селвлцән давулгдв.
Тер мет селвлцәә йовудт түүмрәс саглулһна болн хаврин тәрәнә төрмүд бас хаһлгдв, гиҗ мтаңһчин селәнә эдл-ахун министерств зәңглв.

КАРСАНА Евгения

Видео