Шин селгән ирҗәнә

22-06-2023, 09:20 | Общество

Одахн гилтә таңһчин сурһульчнр сүл ЕГЭ-н болн ОГЭ-н шүүврән өгсн болҗ медгдлә. Удл уга эдн кергтә цаасан цуглулад вузд орхар седх. Хальмг ик сурһульд тедниг тосч авхар белдҗәнә, давсн мигмр өдрлә, мөчн сарин 20-д, орулҗ авлһна комиссь көдлмшән эклв.

Эн өдр цуг орн-нутгин вузмудт чигн 2023-ч җилин орулҗ авлһна керг-үүлдвр эклв. Бакалавриатын, специалитетин, магистратурин, аспирантурин болн ординатурин көтлврәр сурхин төлә цаасан орулҗ болҗана. Эн җил Хальмг ик сурһулин төлә бюджетин 1239 орм йилһгдв гиҗ седкүлчнрин төлә болсн брифингд ик сурһулин һардач Бадм Салаев зәңглв. Бакалавриатын көтлврәр 10 шин эрдмәр сурч болхмн. Тосхачин эрдм дасхар бәәх баһчудыг очн-заочн диг-дараһар орулҗ авхмн.
Эн җил тиим кевәр бакалавриатын 36, специалитетин 7, магистратурин 37 болн СПО-н 9 эрдмин көтлврәр баһчудыг орулҗ авх.

ҖААХАН Бадм

Видео