Тәрә тәрлһнә көдлмшиг бүрткв

24-06-2023, 09:30 | Общество

Шидр Хальмг Таңһчин селәнә эдл-ахун министрин үүлиг цаг зуур дааҗадг Тимур Гаваев Городовиковск районд одв. Тимур Сергеевич Городовиковск района муниципальн бүрдәцин толһач Валерий Абушиновла болн АПК-н әңгин мергҗлтнрлә хамдан тәрсн тәрәг йовҗ хәләв

Харһлтын йовудт урһц хуралһна кампаньд белдврин болн района селәнә эдл-ахун үүлдврмүдин көдлмшин тускар келгдв. Түүнә хөөн буудя цеврлдг кергсл, буудя хадһлдг бәәрн болн «Асгард» ООО-н техникин парк хәләгдв.
Таңһчд урһмл урһадг 300 һар күн шаңһас 150 сай шаху арслң авсмн. Эн мөңгәр тосн-түлә болн талдан керглгдҗәдг тоот хулдҗ авхмн. Эн җил урдк җиллә әдләр буудян урһциг элвгәр хурахар зуралҗанавидн, гиҗ Тимур Гаваев темдглв.

ОЛЬДАН Цаһан

Видео