Эврә патьрмудтан нүүҗ орхмн

29-06-2023, 09:05 | Общество

Элстин йисдгч микрорайонд заасн болзгт эс тосхгдсн герин төр хаһлгдв. Шидр тиигәрән таңһчин Толһач Хаска Бату йовҗ бүртклһ кев.

Удандан тосхгдҗадг гериг эвдәд, өдгә цагин некврлә ирлцүләд шинәс тосхв. Зун хөрн һурвн күн удл уга шин патьртан орхмн. Тер мет эн җил Б.Б.Городовиковин дачиг ясҗ, мана баһчудын эдлврт өгхвидн. Тенд соньн шин төсвсән үүдәҗ, шунмһаһар көдлҗ йовтха.
Терүнәс нань ирх җилд шатрин бәәшңгиг ясхар бас зуралҗанавидн. Эннь олн зуульчнрин төлә цааранднь бахмҗ болад бәәхмн. Федеральн төв мадниг даңгин дөңнҗ тусан күргнә. Олна кергт тәвцән орулҗадг улст ханлтан өргҗәнәв, гиҗ Бату Сергеевич темдглв.

ОЛЬДАН Цаһан

Видео